اقش-تىڭ جەردەن باسقارىلاتىن ۇشاعى وربيتادا 718 كۇن بولىپ جەرگە قايتىپ ورالدى.

ح-37ۆ Orbital Test Vehicle-4 ەكسپەريمەنتتىك وربيتالىق ۇشاعى 718 كۇن بويى عارىشتا پەنتاگوننىڭ قۇپيا وپيراتسياسىن ورىنداپ كەلگەن.

ساراپشىلاردىڭ ايتۋىنشا اقش اسكەري اۋە كۇشتەرى ح-37ۆ Orbital Test Vehicle-4 ۇشاعىنىڭ بورتىندا يوندى قوزعالتقىش جاساۋعا جانە عارىش كەڭىستىگىندە جەردەگى ماتەريالداردىڭ وزگەرۋىنە تاجىريبە جاساعان.

ەڭ العاش ح-37ۆ ۇشاعىن سپۋتنيكتەردى جوندەۋ ماقساتىندا  1999 جىلى NASA مەن Boeing بىرلەسىپ جاساعان بولاتىن. كەيىنەن 2004 جىلى بۇل جوبا اقش-تىڭ اسكەري اۋە كۇشتەرىنە قاراستى الدىڭعى قاتارلى قورعانىس زەرتتەۋلەر اگەنتتىگىنىڭ قاراماعىنا وتكەن. وسى كەزدەن باستاپ ح-37ۆ جوباسى Orbital Test Vehicle اتتى اسكەري قۇپياعا يە جوباعا اۋىستىرىلدى.

ح-37ۆ ۇشاعى ەڭ العاش 2010 جىلدىڭ ءساۋىر ايىندا وربيتاعا شىعىپ، جەلتوقسان ايىندا قايتىپ ورالعان. ح-37ۆ Orbital Test Vehicle وسى ۋاقىتقا دەيىن جەر وربيتاسىندا 4 رەت ۇشىپ، 2085 كۇن بولعان.

قازىرگى تاڭدا اقش-تىڭ بۇل ۇشاعىنىڭ قۇپيا جاعدايدا ساقتالۋىنا بايلانىستى. الەمنىڭ كوپتەگەن عارىش سالاسىنىڭ ساراپشىلارى ح-37ۆ Orbital Test Vehicle ۇشاعى عارىشتاعى وزگە ەلدەردىڭ سپۋتنيكتەرىن ىستەن شىعارۋعا، اقش-تىڭ قارسىلاستارىن عارىشتان بارلاۋعا ارنالعان ۇشاق بولۋى مۇمكىن دەپ الاڭداۋشىلىق بىلدىرۋدە.

“The Qazaq Times”