Ot älemdegi barlıq halıqtıñ kie twtar tötemi. Ot turalı babadan balağa qalğan añız-äfsana köp. Sonıñ bir parası retinde “Şoqan Uälihanov tañdamalı” (1985 jıl, Almatı “Jazuşı”) attı kitaptan üzindi wsınıp otırmız.

Ot äulie kieli bolıp sanaladı... Oşaqtağı ottı basuğa nemese tükiruge bolmaydı. Qarğıs wradı... Jaña tüsken kelin äueli öz otauına kirmes bwrın, atasınıñ üyine kirip, tağzım ötute tiis, sodan soñ qalıñdıq, atasınıñ otına bir qasıq may tamızuı kerek. Bwl ırım — kädeni «otqa may qwyu» deydi. Jas kelin sälem etkende «aruaq razı bolsın» dep, tize bügip, ‘eñkeyip, mañdayın edenge tigizedi. Otqa tamızğan may janıp jatqanda, jas kelinniñ janındağı äyelderdiñ biri alaqanın otqa qızdırıp, kelinniñ betin sipay-dı. Ülken üydiñ otınıñ qwrmetine dep, qalıñdıq atasınıñ iığına şapan jabadı, osı kezde otağası oşaq jaqtağı tulaqtı nwsqap, jas kelinge otır degen belgi berip: «iin qandırıp ilegen tulaqtay, mineziñ jwmsaq bolsın qarağım» dep batasın beredi. Jan beru(uäde, sert biru) nemese jan sözin (ant) beru üşin eki jerden ot jağıp, kinäsı bar adam sol eki ottıñ arasınan ötip bara jatqanda, kisini atıp öltirgen mıltıqtıñ oqpanınan süyuge tiis.

Otpen emdeudiñ bir türi: maldıñ jeti müşesinen jeti japıraq et kesip alıp, otqa qaqtap auırğan jerdi qızdıradı (äsirese sarp auruında). Aurudan tazartu üşin otqa jez şömişti qıp-qızıl etip qızdıradı, sonan soñ qızğan şömişke may qwyıp, kök şüberek saladı, şüberek pen may twtanıp janğanda, şömişti aurudıñ betine jaqındatıp, şömişke suıq su qwyadı, osı kezde şömişten qattı bu şı-ğadı. Emdeudiñ bwl türin jelwşıq (Jelmen wşıqtau) deydi.

Jaña tuğan aydı körgende üş ret tizerlep otırıp, üş ret eñkeyip minajat etedi de, sol minajat etken jerden şöp jwlıp alıp, janıp jatqan otqa tastaydı.

"The Qazaq Times"