Äue şabuılınan qorğaytın S-400 zımıran jüyesi. Foto: Gazeta.ru

Mäskeu Ankarağa qwnı 500 mln dollar twratın äue şabuılınan qorğaytın S-400 zımıran jüyesin satıp aludı wsınğan. RBK aqparat agenttiginiñ mälimetinşe, kelissözder birneşe aydan beri jalğasıp jatır. Säuir ayınıñ soñında Türkiya biligi kelisimniñ ayaqtaluğa jaqın ekenin mälimdegen. 

Rejep Tayıp Erdoğan men Vladimir Putin arasında  S-400-ti jetkizu turalı äñgime Türkiya basşısınıñ Soçige saparı kezinde talqılanğan. Putinniñ baspasöz hatşısı Dmitriy Peskov eki jaqtı kezdesudiñ jaqsı ötkenin habarlağan. Degenmen, äzirge kelissöz turalı naqtı aqparat joq. Al reseylik Streategiyalıq zertteu ortalığınıñ direktorı Ivan Konvalov "bwl Erdoğannıñ Europalıq odaq pen AQŞ-qa qır körsetpek bolğan sayasi oyını" degendi aytadı.

"Europalıq odaqqa qatıstı aytar bolsaq, Erdoğan odaqqa eşqaşan müşe bola almaytını üşin qır körsetui mümkin. Onıñ üstine 16 säuirde Türkiyadağı referendumda onıñ jeñiske jetuine qatıstı EO qattı sın ayttı. Al AQŞ pen Türkiya arasında Siriyadağı kürtterdiñ özin-özi qorğau otryadına qatıstı türli közqaras qalıptasqan. Sondıqtan Ankaranıñ S-400-di satıp satıp alu turalı kelissözi AQŞ pen Bryussel'di alañdatpay qoymaydı", - deydi ol.

“The Qazaq Times”