BWW Qauipsizdik Keñesiniñ kezekti otırısı. Foto: Xinhua

28 säuir, jwma küni  N'yu-Yorktegi BWW Ortalıq keñsesinde, Soltüstik Koreya yadrolıq mäselesin bastı taqırıp etken BWW Qauipsizdik keñesiniñ mäjilisi ötti.

BWW Bas hatşısı Guterriş Qauipsizdik keñesi mäjilisinde Soltüstik Koreyanıñ Qauipsizdik keñesi qararın bwzıp, yadrolıq bağdarlamalardı iske asırıp jatqanın ayıptadı. Saldarınan jahandıq jäne öñirlik qauipsizdikke auır qater töngenin ayttı. Barlıq taraptı baysaldılıqpen yadrolıq qarusızdanuğa jäne yadrolıq qarudı taratpauğa şaqırdı.

Guterriş qate joramaldar men tüsinbeuşilikterdiñ öñirdegi uşığıp twrğan soğıs qaterin üdetuinen alañdaytının jetkizdi. Ol Soltüstik Koreyanı jalğastı qaru sınağın jasamauğa şaqırdı. Sonımen birge halıqaralıq qoğamdastıqtardı şielenisti jeñildetuge küş saluğa ündedi.

BWW Bas hatşısı barlıq taraptıñ şıt-jaña tığız baylanıs ornatuğa tırısuın, äsirese äskeriler arasında şielenisti wlğaytatın barlıq äreketten bas tartuı kerek dedi.

"The Qazaq Times"