БҰҰ Қауіпсіздік Кеңесінің кезекті отырысы. Фото: Xinhua

28 сәуір, жұма күні  Нью-Йорктегі БҰҰ Орталық кеңсесінде, Солтүстік Корея ядролық мәселесін басты тақырып еткен БҰҰ Қауіпсіздік кеңесінің мәжілісі өтті.

БҰҰ Бас хатшысы Гутерриш Қауіпсіздік кеңесі мәжілісінде Солтүстік Кореяның Қауіпсіздік кеңесі қарарын бұзып, ядролық бағдарламаларды іске асырып жатқанын айыптады. Салдарынан жаһандық және өңірлік қауіпсіздікке ауыр қатер төнгенін айтты. Барлық тарапты байсалдылықпен ядролық қарусыздануға және ядролық қаруды таратпауға шақырды.

Гутерриш қате жорамалдар мен түсінбеушіліктердің өңірдегі ушығып тұрған соғыс қатерін үдетуінен алаңдайтынын жеткізді. Ол Солтүстік Кореяны жалғасты қару сынағын жасамауға шақырды. Сонымен бірге халықаралық қоғамдастықтарды шиеленісті жеңілдетуге күш салуға үндеді.

БҰҰ Бас хатшысы барлық тараптың шыт-жаңа тығыз байланыс орнатуға тырысуын, әсіресе әскерилер арасында шиеленісті ұлғайтатын барлық әрекеттен бас тартуы керек деді.

"The Qazaq Times"