Thaad jüyesi qwrılğıların tasımaldau, Foto: Funon

26 säuir küngi, Resey Qıtay qarulı küşteri Mäskeu halıqaralıq qauipsizdik konferenciyasında, jahandıq jäne öñirlik zımıranğa qarsı jüyeler taqırıbında birlesken brifing ötkizdi.

Keñes taqırıbınıñ zımıranğa qarsı jüye retinde köterui Korey tübegine ornatılıp jatqan AQŞ-tıñ «Saad» zımıranğa qarası jüyesi, Qıtay men Reseydiñ bastı müddelerine qayşı kelip otır. Olar özderiniñ qauipsizdiginen alañdap, bwl jüyeniñ elderine jaqın ornalasuına qarsı. Beyjiñ öz qarsılığın bildirdi jäne jüyeni ornatpau isine Amerikanı köndiru üşin Reseydi odaqtas etip tarttı deuge boladı.

Qıtaydıñ Joğarı äskeri komissiyası Birlesken Qızmetkerler operaciyalar byurosı direktorınıñ orınbasarı, general-mayor Cay Jün: «Jahandıq zımıranğa qarsı jüyeni damıtu, bwl sözsiz ğalamdıq qorşağan ortağa auır zardap alıp keledi. Halıqaralıq qoğamdastıq müşeleriniñ köpşiliginiñ paydasına şeşilmegen», – dep sınğa aldı.

BWW Bas Assambleyası bwl mäseleni talay ret qarap, birneşe eldi bwl jüyelerdi damıtudı toqtatuğa şaqırğan. Alayda osı jüyeni qoldanatın NATO-ğa müşe elder, äsirese AQŞ bwl jüyeni jahandıq qauipsizdik üşin mañızdı dep tüsindirude. Mäskeu otırısında Qıtay men Resey jaq bir auızdan: «Ortaq halıqaralıq qwqıqtı jäne özge elderdiñ qwqıq-müddelerin elemeu, sıñar jaqtı müddeşildikpen jahandıq zımıranğa qarsı jüyelerdi iske qosu, mine osı atalğandar şın mänisinde absolyutti birjaqtı äskeri artıqşılıqtı izdeuge bolıp tabıladı», – degen ayıp taqtı.

The Qazaq Times