26 ءساۋىر كۇنگى، رەسەي قىتاي قارۋلى كۇشتەرى ماسكەۋ حالىقارالىق قاۋىپسىزدىك كونفەرەنتسياسىندا، جاھاندىق جانە وڭىرلىك زىمىرانعا قارسى جۇيەلەر تاقىرىبىندا بىرلەسكەن بريفينگ وتكىزدى.
كەڭەس تاقىرىبىنىڭ زىمىرانعا قارسى جۇيە رەتىندە كوتەرۋى كورەي تۇبەگىنە ورناتىلىپ جاتقان اقش-تىڭ «سااد» زىمىرانعا قاراسى جۇيەسى، قىتاي مەن رەسەيدىڭ باستى مۇددەلەرىنە قايشى كەلىپ وتىر. ولار وزدەرىنىڭ قاۋىپسىزدىگىنەن الاڭداپ، بۇل جۇيەنىڭ ەلدەرىنە جاقىن ورنالاسۋىنا قارسى. بەيجىڭ ءوز قارسىلىعىن ءبىلدىردى جانە جۇيەنى ورناتپاۋ ىسىنە امەريكانى كوندىرۋ ءۇشىن رەسەيدى وداقتاس ەتىپ تارتتى دەۋگە بولادى.
قىتايدىڭ جوعارى اسكەري كوميسسياسى بىرلەسكەن قىزمەتكەرلەر وپەراتسيالار بيۋروسى ديرەكتورىنىڭ ورىنباسارى، گەنەرال-مايور تساي ءجۇن: «جاھاندىق زىمىرانعا قارسى جۇيەنى دامىتۋ، بۇل ءسوزسىز عالامدىق قورشاعان ورتاعا اۋىر زارداپ الىپ كەلەدى. حالىقارالىق قوعامداستىق مۇشەلەرىنىڭ كوپشىلىگىنىڭ پايداسىنا شەشىلمەگەن»، – دەپ سىنعا الدى.
بۇۇ باس اسسامبلەياسى بۇل ماسەلەنى تالاي رەت قاراپ، بىرنەشە ەلدى بۇل جۇيەلەردى دامىتۋدى توقتاتۋعا شاقىرعان. الايدا وسى جۇيەنى قولداناتىن ناتو-عا مۇشە ەلدەر، اسىرەسە اقش بۇل جۇيەنى جاھاندىق قاۋىپسىزدىك ءۇشىن ماڭىزدى دەپ تۇسىندىرۋدە. ماسكەۋ وتىرىسىندا قىتاي مەن رەسەي جاق ءبىر اۋىزدان: «ورتاق حالىقارالىق قۇقىقتى جانە وزگە ەلدەردىڭ قۇقىق-مۇددەلەرىن ەلەمەۋ، سىڭار جاقتى مۇددەشىلدىكپەن جاھاندىق زىمىرانعا قارسى جۇيەلەردى ىسكە قوسۋ، مىنە وسى اتالعاندار شىن مانىسىندە ءابسوليۋتتى بىرجاقتى اسكەري ارتىقشىلىقتى ىزدەۋگە بولىپ تابىلادى»، – دەگەن ايىپ تاقتى.
The Qazaq Times
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟