"Bes köz" wyımınıñ ştab päteri, Foto: ABC News

Soñğı birneşe künde AQŞ, Wlıbritaniya, Avstraliya qatarlı birneşe eldiñ Qauipsizdik jäne barlau basqarmalarınıñ lauazımdıları, birinen keyin biri Jaña Zelandiyağa wşıp kelip, qwpiya keñeske qatıstı. Atalğan elderdiñ qauipsizdik organdarın suıt jüriske salğan istiñ sebebi aqparat qwraldarınan jasırulı küyde twr. Älemdik aqparat qwraldarınıñ qızığuşılığın oyatqan bwl istiñ sırına Jaña Zelandiya ükimeti de jarıtımdı jauap bermedi.

Osı  turalı Tayuan (Tayvan') aqparat qwraldarınıñ boljamına sensek qazirgi älemdik jağdaylarğa baylanıstı wzaq bolaşaqtı közdegen jaña jospar tüzuge jinalğan.  AQŞ, Wlıbritaniya, Kanada, Avstraliya, Jaña Zelandiya qatarlı elder qauipsizdik salasın äbigerge salğan bwl qwpiya otırısı Qıtay men Resey jaqtı da oylandıruda.

Foto: Daily Express

22 säuir küni bir wşaq Jaña Zelandiyanıñ «Wellington» äuejayına kelip qondı. Bwl wşaqtıñ qanatında jazılğan «10030» nomeri onıñ AQŞ Ortalıq barlau basqarmasına täueldi wşaq ekenin bildiredi. Al, ertesi 23 säuirde AQŞ Federaldıq barlau basqarmasınıñ bastığı Djeyms Komiy kelip tüsti.

Bügin, Resey jäne Qıtay aqparattıq sayttarında, AQŞ, Wlıbritaniya, Kanada, Jaña Zelandiya, Avstraliya qatarlı bes eldiñ qauipsizdik basqarmasınan 15 adam, atalğan elder birlesken «Bes köz» attı qwpiya barlau birlestiginiñ mäjilisine qatısu üşin jinalğan degen habar taradı.

Atalğan bes eldiñ eñ joğarı qauipsizdik jäne barlau organdarı qızmetin birlestiruden jasaqtalğan wyım qısqaşa «Bes köz wyımı» dep ataladı. Tarihın taratıp aytar bolsaq Ekinşi düniejüzilik soğısqa barıp tireledi. Sol kezdegi AQŞ pen Wlıbritaniya arasındağı qwpiya kelisimderdiñ negizinde qwrılğan. Britandıq üş barlau agenttiginiñ birinde osı wyımınıñ bas ştab päteri ornalasqan. Atalğan elderdiñ barlıq qauipsizdik barlau agenttikteri men ükimettik özge wyımdarı da osı wyımnıñ tarmağı bolıp sanaladı.

«Bes köz» wyımınıñ jüyesi AQŞ-tıñ bwrınğı qorğanıs salasında merdiger qızmetkeri Edvard Snoudenniñ «Pizma» jobasımen jasaqtalğan. Dese de, wyımnıñ köptegen qwpiyalıqtarı äşkerelenip qalğan. Äsirese soñğı kezdegi amerikalıq jäne europalıq qauipsizdik wyımdarınıñ arasındağı janjaldar ortaq qwpiyalardıñ aşıluına sebep boldı.

Wyımğa qatıstı bolğan aqparat közderiniñ habarlauınşa, «Bes köz»-ge müşe är eldiñ barlau agenttigi arasında bäseke qalıptasqan. Jaña Zelandiya prem'er-ministri resmi ökiliniñ rastauında, bwl ret qwpiya otırıs bir aptağa jalğasadı. Qatısuşılar köp eldiñ atalğan salağa qatıstı ökilderin qamtidı delingen. Mälimdemeşi bwdan arı aqparat bere almaytının aytıp, keşirim ötingen. Aqparat qwraldarı sol eldegi AQŞ elşiligi arqılı da sır tartıp körse de otırıstıñ ne maqsatta ötip jatqanı turalı jarıtıp jauap ala almağan.

The Qazaq Times