Türkiya Maykl Flinn arqılı Fethullah Gülendi AQŞ-tan alıp ketpek bolğan

Osıdan bwrın Tramptıñ alğaş ret öziniñ Memleket qauipsizdigi jönindegi keñesşisi retinde tağayındağan Maykl Flinn, Reseydiñ AQŞ-tağı resmi twlğalarımen telefon arqılı tildesip, AQŞ-tıñ memlekettik qwpiyalıqtarın talqıladı dep ayıptalıp, jwmıstan quılğan edi. Alayda, Maykl Flinnıñ lañı onımen basıla qoymaptı. Onıñ bwdan basqa da «tentektikteri» ol jwmıstan ketkennen keyin de anıqtalıp jatır. 24 naurız küni AQŞ Ortalıq barlau komitetiniñ basşısı Djeyms Vulsi onıñ basqa da AQŞ müddesine qayşı qılıqtarın äşkere etti.

Vulsidiñ mälimetine qarağanda, ötken jılı qırküyek ayında Maykl Flinn Trampnıñ saylau nauqanı jwmısı barısında, N'yu-York qalasındağı bir qonaq üyde Türkiyanıñ resmi twlğalarımen kezdesken. Kezdesu barısında ol türkiyalıq twlğalarmen AQŞ-ta twratın «Gülenşilerdiñ» basşısı Fethullah Gülendi Türkiyağa qaytaru isi turalı keñesken. Flinniñ habarlauşısı bwl ayıptaudan keyin birden teriske şığarıp mälimdeme jasadı. Bwl turalı News.Cn habarlaydı.

Vulsi 24 naurızda tanımal “The Wall Street Journal” basılımına bergen swhbatında, ötken jılı qırküyekte Tramptıñ saylau nauqanı twsında Maykl Flinn Türkiya prezidenti Rejep Tayip Erdoğannıñ küyeu balası jäne Türkiya sırtqı isterministri Mevlyut Çavuşoglumen kezdeskenin ayttı. Sonımen birge Fethullah Gülendi zañdı türde wstap beru jäne Türkiyağa qaytaru turalı aqıldasqan dedi.

Türkiya ükimeti ötken jılı şilde ayında tuılğan töñkeristiñ perde artındağı wyımdastıruşısı Fethullah Gülen dep tauıp otır. Gülen bolsa öziniñ 1999 jıldan beri AQŞ-ta twratının köldeneñ tartıp, bwl ayıptaudı teristegen bolatın. Sondıqtanda AQŞ-tan Gülendi Türkiyağa qaytarıp berudi talap etedi. Alayda, atalmış demokratiya men adamdıq qwqıqtı jaqtauşı Amerika türik biliginiñ bwl talabına toytarıs berip keledi. Al Ortalıq barlau komitetiniñ bastığı Vulsidiñ aytısına qarağanda Flinn jäne bir kompaniya Türkiya jaqtıñ talabın orındauğa tırısatın bolğan.

«Associated Press» basılımınıñ habarına qarağanda, naurız ayınıñ bas şeninde Flinn jäne atalmış kompaniya AQŞ Ädilet departamentine Gülendi qaytaru turalı qwjattardı wsınğan. Sonday aq ol jwmıs jasasqan türik twlğalarınıñ kompaniyasınan 530 mıñ AQŞ dolları audarılğan. Dese de, Maykl Flinnıñ rastauınsız, onıñ eki eldiñ ökilderimen jekeley baylanısta boluı, onıñ Aq üydegi «erekşe qızmetker» ekenin bildirip twrsa kerek. Ortalıq barlau komitetiniñ Maykl Flinniñ sarı izine şöp saluında da köp sırdıq jatqanı anıq. Ol mümkin Resey, Türkiya resmi twlğalarına AQŞ-ta twratın özge küşterdiñ müddesi üşin baylanıs ornatıp jürui de bek mümkin. Sebebi, Amerika müddesin belden basqan Maykl Flinn äli künge deyin Aq üyden zildi söz ben şarağa wşıramay kele jatır.

“The Qazaq Times”