• Құрметті аналар, апалар, әпкелер және арулар!

Сіздерді көктемнің ең жарқын әрі мейірімге толы мерекесі – 8 Наурыз Халықаралық әйелдер күнімен шын жүректен құттықтаймын! Бұл күн – сұлулықтың, нәзіктіктің, махаббат пен аналық мейірімнің символы. Сіздер отбасының берекесі, қоғамның тірегі, өміріміздің шуағысыздар!

Әйел – өмірдің мәні, отбасының алтын діңгегі. Ананың аялы алақаны мен мейірімі, апа-әпкелердің қамқорлығы, қыздардың сұлу күлкісі – осының бәрі әлемді жарық етіп, әр күнге қуаныш сыйлайды. Сіздердің ақыл-парасатыңыз, еңбекқорлығыңыз, мейірімдеріңіз әрдайым бағалана берсін!

Бұл мереке алғаш рет 1857 жылы АҚШ-та Нью-Йорк қаласындағы әйелдердің еңбек құқығын қорғау мақсатындағы шеруінен бастау алған. Олар ауыр жұмыс жағдайларын жақсартуды, жалақы теңдігін талап еткен еді. Кейіннен бұл қозғалыс халықаралық деңгейде қолдау тауып, 1910 жылы Данияда өткен Халықаралық социалист әйелдер конференциясында 8 наурыз ресми түрде әйелдердің тең құқықтары үшін күрес күні ретінде белгіленді. 1977 жылы БҰҰ бұл күнді Халықаралық әйелдер күні ретінде мойындады.

Бүгінгі таңда бұл мереке нәзік жандыларға алғыс айту, олардың қоғамдағы рөлін атап өту және сыйластық білдіру күніне айналды.

Құрметті ханымдар!
Сіздерге зор денсаулық, бақ-береке, бақыт пен махаббат тілеймін! Арман-мақсаттарыңыз орындалып, әр күніңіз қуанышқа толы болсын! Жанұяларыңыз аман, жүзіңізден күлкі кетпесін!

Мерекелеріңіз құтты болсын!

The Qazaq Times