Foto: maps.google.kz

«Japon teñizi» me, älde «Şığıs teñiz» be? Japoniya jäne Oñtüstik Koreya alda bolatın Halıqaralıq Gidrografiyalıq Wyımınıñ (HGW/ ÜAW) Assambleyasında ortağa salmaq.

Oñtüstik Koreya «Yonhap» agenttigi 23 säuir küni sol eldiñ Sırtqı ister ministrliginiñ jariyalağan habarlamasın tarattı. Onda XIX kezekti HGW Assambleyası osı aydıñ 24-28 küni aralığında Monakoda ötetindigi habarlanğan bolatın. Japon jäne korey elderi eki el ortasındağı teñiz mäselesin ortağa salmaq. Qatıstı mälimetterge süyensek, HGW belgilegen halıqaralıq standart «Teñiz-mwhittağı şekaralar» (Üşinşi retki qaralım) boyınşa teñiz kartasınıñ soñğı nwsqası 1953 jılı bekitilgen. Al, törtinşi qayta qarau nätijesi äzirge deyin keşiguiniñ bir sebebi, Japoniya jäne Koreya arasındağı «Şığıs teñiz» mäselesindegi kelispeuşilik.

Koreya Sırtqı ister ministrligi jariyalağan mälimette, Oñtüstik Koreya jağınıñ bwl mäseledegi bastı wstanımı – eki el arasındağı teñizdi «Şığıs teñiz» dep atau. Alayda, bwl şeşimge jetu taktikasın keşeuildetui mümkin. YAğni, Japoniyamen bir bitimge kelgenşe «Şığıs jäne Japon teñizi» degen ataudı qabıldaydı. Al, bwl teñiz turalı japon tanımı özgermeydi. Olar Japon araldarı qorşap jatqan bwl teñizdi «Japon teñizi» dep qana qabıldaydı.

Oñtüstik Koreya Sırtqı ister ministriliginiñ resmi ökili sözinde: «Biz bwl retki Assambleyada Koreya müddesine sayatın atalğan mäselede, «Şığıs teñiz» atauın aluğa tırısamız», – dedi. Sonımen birge resmi Seul sol eldiñ Sırtqı ister ministrligi, Teñiz isteri jäne balıq şaruaşılığı ministrligi, Qorğanıs ministrligi Teñiz armiya bölimi, Memlekettik Teñiz-mwhit isterin zertteu institutı, Soltüstik-Şığıs Aziya tarihı qorı qatarlı 30-dan astam mekemeni jwmıldırıp, tarihi mañızğa ie mäselede öz jeñisin qolğa keltirmek.

Esteriñizge sala keteyik, Koreya 1997 jılı atalğan wyımnıñ alğaşqı jinalısında osı mäseleni ortağa qoyğan bolatın. Alayda, Japoniyanıñ basımdılığımen bwl dauda degenine jete almay keledi. Osı jolı eki el 5-şi ret atalğan taqırıpta pikir talasqa tüskeli otır.

The Qazaq Times