9 qaraşada Qazaqstan jäne Resey basşılarınıñ qatısuımen ötken öñiraralıq forum barısında taraptar tiisti qwjatqa qol qoydı. Oğan säykes, Resey Qazaqstannıñ üş qalasına – Öskemen, Kökşetay jäne Semeyge jılu elektr stanciyasın salıp bermek.

Bıltır qaraşa soñında Ekibastwz jılu elektr stanciyasında iri apat bolıp, sodan keyin elde jılu jelileriniñ äbden tozğandığı jäne infraqwrılımdardı jañalau üşin tarifterdi köteru qajettigi aytılğan.

Biıl ükimet jılu energetika nısandarına respublikalıq jäne jergilikti byudjetten 37 mlrd teñge bölgen.

9 qaraşada Qazaqstanğa resmi saparmen Resey basşısı Vladimir Putin kelgen. Sarapşılar Batıs elderiniñ wzaq uaqıt boyı Reseydiñ ıqpal etu aymağı sanalıp kelgen Ortalıq Aziyağa qızığuşılığı artqan şaqta Resey basşısınıñ Qazaqstanğa kelgenin atap ötip otır.

Beysenbi küni tüsten keyin Aqordada eki el basşıları 19-şı öñiraralıq ıntımaqtastıq forumın aşqan. Oğan Toqaev pen Putin videobaylanıs arqılı qatıstı.

Aqparatqa qarağanda, şarada auıl şaruaşılığı jäne azıq-tülik qauipsizdigi mäseleleri talqılanğan.

Şara kezinde Qazaqstan sauda jäne integraciya ministri Serik Jwmanğarin forumğa qatısuşılarğa reseylik kompaniyalar qant zauıttarına ie bolıp, Qazaqstannıñ oñtüstiginde jılıjay keşenderin aşıp jatqanın ayttı.