Foto: orda.kz

Qazaqstan "Bäse" YouTube-kanalınıñ avtorları, erli-zayıptı Natal'ya jäne Aydos Sadıqovtarğa izdeu jariyaladı. Bwl turalı Bas prokuraturanıñ Qwqıqtıq statistika jäne arnayı esepke alu jönindegi komitetke silteme jasap, Tengrinews.kz saytı habarladı.

İİM mälimetinşe, sottıñ 23 qazandağı sankciyasına baylanıstı Sadıqovtarğa "Äleumettik, wlttıq, dini alauızdıqtı qozdıru" babımen izdeu jariyalanğan.

Qazaqstan Natal'ya Sadıqovağa 2014 jılı izdeu jariyalağan. Ol kezde Sadıqovağa mäjilistiñ bwrınğı deputatı Maral Iteğwlovtıñ ar-namısın qorladı dep ayıptalğan. 2014 jılı Sadıqova Kievte ekenin aytqan edi.

2012 jılı Aqtöbe sotı oppoziciya belsendisi Aydos Sadıqovtı "policeylerge qarsılıq körsetti" dep eki jıl türmege japqan. Sadıqovtar özderiniñ üstinen qozğalğan isterdiñ "sayasi astarı" bar degen edi.

Aydos Sadıqov 2010 jılğa deyin sol kezdegi "Azat" jalpı-wlttıq social demokratiyalıq partiyasınıñ Aqtöbe filialınıñ jetekşisi boldı. Sol jılı ol bwl partiyadan ketip, "Gastat" atalatın qoğamdıq qozğalıs qwrdı. Ol qozğalıs qıtaylıq "SNPS-Aqtöbemwnaygaz" kompaniyasında täuelsiz käsipodaqtardıñ qwrıluına mwrındıq boldı. Sadıqov mwnayşılar qwqığınıñ bwzılmauın talap etken akciyalar ötkizip közge tüsken.

Keyin Sadıqov ta elden ketip, äyeli Natal'ya Sadıqova ekeui Kievte twrğan. Olar 2014 jılı "Bäse" dep atalatın Youtube kanal aşıp, bilikti sınaytın, biliktegilerdiñ jemqorlıqqa qatısı barı turalı videolar jariyalay bastağan. "Bäsege" qazir 996 mıñ adam jazılğan.