قازاقستان "باسە" YouTube-كانالىنىڭ اۆتورلارى، ەرلى-زايىپتى ناتاليا جانە ايدوس سادىقوۆتارعا ىزدەۋ جاريالادى. بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتكە سىلتەمە جاساپ، Tengrinews.kz سايتى حابارلادى.
ءىىم مالىمەتىنشە، سوتتىڭ 23 قازانداعى سانكتسياسىنا بايلانىستى سادىقوۆتارعا "الەۋمەتتىك، ۇلتتىق، ءدىني الاۋىزدىقتى قوزدىرۋ" بابىمەن ىزدەۋ جاريالانعان.
قازاقستان ناتاليا سادىقوۆاعا 2014 جىلى ىزدەۋ جاريالاعان. ول كەزدە سادىقوۆاعا ءماجىلىستىڭ بۇرىنعى دەپۋتاتى مارال يتەعۇلوۆتىڭ ار-نامىسىن قورلادى دەپ ايىپتالعان. 2014 جىلى سادىقوۆا كيەۆتە ەكەنىن ايتقان ەدى.
2012 جىلى اقتوبە سوتى وپپوزيتسيا بەلسەندىسى ايدوس سادىقوۆتى "پوليتسەيلەرگە قارسىلىق كورسەتتى" دەپ ەكى جىل تۇرمەگە جاپقان. سادىقوۆتار وزدەرىنىڭ ۇستىنەن قوزعالعان ىستەردىڭ "ساياسي استارى" بار دەگەن ەدى.
ايدوس سادىقوۆ 2010 جىلعا دەيىن سول كەزدەگى "ازات" جالپى-ۇلتتىق سوتسيال دەموكراتيالىق پارتياسىنىڭ اقتوبە فيليالىنىڭ جەتەكشىسى بولدى. سول جىلى ول بۇل پارتيادان كەتىپ، "گاستات" اتالاتىن قوعامدىق قوزعالىس قۇردى. ول قوزعالىس قىتايلىق "سنپس-اقتوبەمۇنايگاز" كومپانياسىندا تاۋەلسىز كاسىپوداقتاردىڭ قۇرىلۋىنا مۇرىندىق بولدى. سادىقوۆ مۇنايشىلار قۇقىعىنىڭ بۇزىلماۋىن تالاپ ەتكەن اكتسيالار وتكىزىپ كوزگە تۇسكەن.
كەيىن سادىقوۆ تا ەلدەن كەتىپ، ايەلى ناتاليا سادىقوۆا ەكەۋى كيەۆتە تۇرعان. ولار 2014 جىلى "باسە" دەپ اتالاتىن Youtube كانال اشىپ، بيلىكتى سىنايتىن، بيلىكتەگىلەردىڭ جەمقورلىققا قاتىسى بارى تۋرالى ۆيدەولار جاريالاي باستاعان. "باسەگە" قازىر 996 مىڭ ادام جازىلعان.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن