Ukraina prezidenti Vladimir Zelenskiy Germaniyağa saparlap keldi. Berlinde ol Germaniya basşısı Frank-Val'ter Ştaynmayermen kezdesti. Bwl turalı Azattıq radiosı jazdı.

"Ukrainanıñ qazirgi zamanğı tarihındağı eñ kürdeli kezeñde Germaniya öziniñ nağız dos äri senimdi odaqtası ekenin däleldedi. Demokratiya qwndılıqtarı men erkindigin qorğau boyınşa küreste ukrain halqın qoldaudan aynımaydı. Bärimiz birge jeñemiz jäne Europağa beybitşilikti qaytaramız" dep jazdı Zelenskiy prezident rezidenciyasındağı qwrmetti qonaqtarğa arnalğan kitapta.

Keyin Ukraina basşısı Germaniyanıñ federaldıq kancleri Olaf Şol'cpen kelissöz jürgizdi.

Zelenskiydiñ saparına baylanıstı Berlinde qauipsizdik şaraları küşeyip, qozğalıs şekteldi.

Ukraina basşısı Berlinge jeksenbige qarağan tüni Italiyadan wşıp keldi. Onıñ wşağına Germaniyanıñ äue qorğanıs küşteri ilesip jürdi.

"Berlin. Qaru. İri paket. Äue şabuılınan qorğaytın jüye. Rekonstrukciya. EO. NATO. Qauipsizdik" dep jazdı Zelenskiy Germaniyağa wşıp kelgennen keyin Twitter-degi paraqşasında.

Zelenskiy "iri paket" dep bwğan deyin Germaniya biliginiñ Ukrainağa şamamen 2,7 mlrd euro (3 mlrd dollar) köleminde bölgen äskeri kömegin aytıp otır. Bwl Resey basqınşılığı bastalğalı bergi eñ iri kömek.

Zelenskiy men Şol'c Berlinnen keyin Germaniyanıñ Ahen qalasına baradı. Ol jaqta Ukraina prezidentine Europadağı birligine üles qosqanı üşin Wlı Karl atındağı sıylıq tapsırılmaq.

Bir kün bwrın Ukraina prezidenti Italiyada osı el basşılığı jäne papa Franciskpen kezdesken.