Video: centralasian.org saytınan alındı.

Aqtöbe, Qarağandı, Pavlodar, Soltüstik Qazaqstan, Şığıs Qazaqstan, Qostanay jäne Aqmola oblıstarında qardıñ erui men özenderdiñ arnasınan asuınan 52 eldi-mekendi su basıp qaldı. Astanağa da su keldi: onı qwtqaru üşin qoymadağı sudı ağızıp, töñirekti suğa böktirip jatır.

Üyin su basqan aqtöbelik kişkentay qızdıñ jılap aytqan videosın bir künniñ işinde mıñdağan adam kördi. Ol oqulıqtarı bülingenine qattı alañdağanın aytıp berdi. Endi ata-anası mektep äkimşiligine ayıppwl töleui tiis.

Qazaqstanda respublikalıq mañızı bar 120 joldı su şayıp ketti. Aqmola oblısınıñ Atbasar qalasında jağday qiın. Mwnda ötken jılı ğana salınğan böget bwzılğan, 269 twrğın üydi jäne jaqında ğana jöndelgen mektepti su bastı. Tağı 130 üydi su basuı mümkin. Qaladan 1300 adam köşirildi.

Su Astana töñiregine deyin jetti. Astananı tasqınnan aman alıp qalu üşin Astanalıq bögetti aşıp tastağan, ol su qala töñiregindegi auıldardı basıp jatır.

"The Qazaq Times"