6 mamır keşke Almatıda policiya Oyan, Qazaqstan belsendileri Darhan Şäripov pen Vlada Ermol'çevanı wstap äketti. Bwl jöninde Oyan, Qazaqstan qozğalısı Telegram-arnasında habarladı, -dep jazdı Azattıq radiosı.

Qozğalıstıñ habarlauınşa, olardı 2022 jılı qaraşa ayında prezident saylauına qarsı miting jasağanı (488-bap, 6-bölik) üşin wstağan boluı mümkin.

Senbi küni Vlada Ermol'çevanı Almalı audandıq policiyasına, Darhan Şäripovti Bostandıq audandıq policiyasına äketken.

"Beybit mitingige şığu qwqığına Konstituciyada kepildik berilgen" dep jazdı qozğalıs ökilderi.

Policiya äzirge tüsinikteme bermedi.

Bıltır 20 qaraşada kezekten tıs prezident saylauı ötip, onıñ resmi nätijesi boyınşa prezident Toqaev "jeñimpaz atanğan". Halıqaralıq baqılauşılar "prezident saylauı bäseke joq sayasi ahualda ötti" dep mälimdegen.

Saylau qarsañında jäne saylau küni saylauğa közqarasın bildirmek bolğan belsendiler qudalanğan, täuelsiz baqılauşılar dauıs beru procesi men dauıstardı sanau kezinde qısım jasalğanın mälimdegen.

Jergilikti jäne halıqaralıq qwqıq qorğauşılar Qazaqstanda azamattardıñ Konstituciyada jazılğan beybit jinalu men pikirin aytu qwqığı jii bwzılatının aytıp, sınaydı.