Ukraina prezident Vladimir Zelenskiy Finlyandiya, Şveciya, Daniya jäne Norvegiya jurnalisterine bergen ülken swqbatında Ukrainanıñ şabuılğa şığıp, Resey basıp alğan jerlerdi azat etetinine senimdi ekenin mälimdedi. Bwl turalı Azattıq radiosı jazdı.

Zelenskiy Ukrainağa qaru-jaraq jetkizu mäselesiniñ mañızı zor ekenine toqtalğan. "Şabuıldıñ qaşan jäne qalay bolatının naqtı ayta almaymın. Iä, köp jayttıñ bizge baylanıstı ekeni ras, biraq qaru-jaraq türlerin jetkizu mäselesi de bar. Biz adam ömirin barınşa saqtauğa tırısamız, sol sebepti qaru-jaraqtıñ mañızı öte zor",- dedi Zelenskiy. Onıñ sözinşe, Ukrainağa qaru-jaraq jetkilikti berilmese, soğıs ondağan jıldarğa deyin sozıluı mümkin.

Alayda, Zelenskiydiñ sözinşe, Ukraina bizge F-16 wşağı qaşan beriledi dep kütip otıra almaydı. "Joq, olay emes. Biz bastay beremiz", - dedi Ukraina prezidenti. Äzirge Ukrainağa F-16 wşağın beremiz dep eşkim uäde bergen joq. Ukraina bwğan deyin Batıstağı seriktesterinen äskeri wşaq swrağan.

Zelenskiy Resey 2014 jılı anneksiyalağan Qırımdı da Ukrainağa qaytaratına senimdi. Ol 1939-40 jıldardağı Sovet odağı men Finlyandiya soğısın eske alıp, "Ukraina täuelsizdigin saqtap qalu üşin jeriniñ bir böligin beruge mäjbür bolğan Finlyandiya sekildi bola almaydı" dedi.

Zelenskiy ötken jıldıñ kökteminen beri Reesy "äsirese moral'dıq twrğıdan öte qattı älsiredi" dep sanaydı. "Resey quattı memleket, qaru-jarağınıñ da tür-türi bar, biraq moral'dıq twrğıdan köp närse özgerdi... Olar ölgisi kelmeydi, ekpini qaytıp, ruhtarı qwlap qaldı. "Eki-üş künde Kievti alıp, op-oñay ayaqtay salamız" dep oylap, endi ne bop ketkenin tüsinbey qaldı... Olar moral'dıq twrğıdan sındı", -dep mälimdedi Ukraina prezidenti.

Zelenskiy swqbatınıñ üzindilerin körgen Resey qauipsizdik keñesi törağasınıñ orınbasarı Dmitriy Medvedev ädettegidi özine tän stil'men "Ukraina qarulı küşterine küyrete soqqı berip, Kievtegi nacistik rejimge birjola nükte qoyuğa" şaqırdı.