Qazaqstan Resey basşısı Vladimir Putindi twtqındauğa order bergen Halıqaralıq qılmıstıq sottıñ şeşimin orındamaydı. Qazaqstan sırtqı ister ministrliginiñ 5 säuir küngi habarlamasınan osını añğaruğa boladı, – dep jazdı Ortalıq Aziya jañalıqtar qızmeti.

"Qazaqstan Gaagadağı Halıqaralıq qılmıstıq sottıñ qwrıltay qwjatı – Rim statutına qatısuşı bolıp tabılmaydı. Tiisinşe, bwl statuttıñ Qazaqstanğa qoldanısı taralmaydı jäne bizdiñ memleketimiz ol boyınşa eşqanday mindetteme almaydı" dedi Qazaqstan sırtqı ister ministrliginiñ resmi ökili Aybek Smadiyarov Azattıqqa jibergen resmi jauabında.

"Ukrainanıñ Resey basıp alğan aumağınan balalardı zañsız tasımaldağanı üşin" Halıqaralıq qılmıstıq sot (Gaaga sotı) naurızdıñ ortasında Resey prezidenti Vladimir Putindi twtqındauğa order bergen. Osığan wqsas order Reseydegi bala qwqığın qorğau jönindegi ombudsmen Mariya L'vova-Belovağa da berildi.

Bwrınğı sovet respublikaları arasında statuttı Baltıq elderi, Gruziya, Täjikstan ratifikaciyalağan. Juırda Armeniya konstituciyalıq sotı Rim statutı eldiñ konstituciyasına qayşı kelmeydi degen qaulı şığarğan. Rim statutın ratifikaciyalağan memleketterdiñ biligi Putin sol elderdiñ birine barğan jağdayda onı twtqındauğa mindetti.

Degenmen bwğan deyin resmi Erevan Putindi twtqındamaytının meñzep, bwl twrğıda Erevan Mäskeumen kelisim jasauı mümkin ekenin de joqqa şığarmağan. Erevannıñ tüsindiruinşe, Armeniya Äzerbayjannıñ Taulı Qarabaqtağı "äskeri qılmısına" baylanıstı Halıqaralıq qılmıstıq sotqa şağım tüsirgisi keledi.

Bwğan deyin Putin Qazaqstanğa osı küzde saparlap keletini habarlanğan edi.

Reseyge täueldi Qazaqstan Reseydiñ Ukrainağa basqınşılığın aşıq ayıptağan joq. Biraq Ukrainanıñ aumaqtıq twtastığın qoldaytının, Ukrainanıñ şığısındağı separatistik qwrılımdardı moyındamaytının aytqan. BWW-da Resey basqınşılığın ayıptağan qararlarğa dauıs beru kezinde Qazaqstan köp jağdayda qalıs qaladı.