Qandı qañtar qırğınına baylanıstı ayıptı sanalıp qamauda otırğan 9 azamattıñ sotına sud'ya Qadırbek Nwrjan BAQ ökilderin kirgizbedi.

4 säuirde Taraz qalasındağı İİM qılmıstıq-atqaru jüyesi komitetiniñ №67 mekemesinde ötip jatqan qandı qañtar qırğınına baylanıstı sotta sud'ya Qadirbek Nwrjan jurnalisterdi sot zalına kirgizbedi. Sud'ya aşıq sotqa BAQ ökilderin nege jibermegenin tüsindirmedi. Tek obl sottıñ ğimaratındağı ekrannan ğana baqılay alasızdar dedi.

Sot bastalardıñ aldında sot hatşısı da, sud'ya da process bastalğan kezde şaqıratındarın aytıp özderi kirip ketken.

Jurnalister sot zalına ötkizuden bas tartqan kezekşige sot özderin kirgizu turalı ötinişterin sud'yağa jetkizudi ötindi.

– Şıqpaymız, eger spisokta joq pa, znaçit' joq! – dep ayttı degen jauap jetkizdi kezekşi.

– Bizge spisok berdi, "mine osı spisoktan basqa adam kiruşi bolmasın!" dedi, boldı. Biz osımen jwmıs jasaymız. Bizdiñ jwmıs osı. Biziñ processke dım qatısımız joq. kirgizu-şığaru boldı, işte ne bolıp jatır, qalay bolıp jatır bizdiñ qatısımız joq! –dep sot zalına jiberuden bas tarttı.

Proces ayaqtalğanın kütip, bwdan bwrınğı eki retki otırısta özi bastap kirgen sot hatşısı Qanat mırzadan nege aşıq sotqa BAQ-ın qatıstırmağanın swradıq.

– Aşıq sotqa kirgizbe, anau-mınau dep men aytqan joqpın. Men jaqtan eşteñe joq.  Sottaluşılardıñ qorğauşıları «sen kirgizbey jatsıñ» dep aytıp jatır. Meniñ oğan qatısım joq. Oblıstıq sot ğimaratı jağına onlayn jasap qoyğan. Sol jaqqa barıp, körip otıruğa boladı. Mekeme basşılığı «kirgizip jatırsıñdar, (sottaluşılarmen – red) jolıqtırıp jatırsıñdar» dep, erteñ bizge äñgime aytadı, – dedi hatşı.

Al, sud'ya Qadirbek Nwrjan jurnalister üşin sottı tek obl sot ğimaratındağı ekrannan ğana köre alatındığın aytıp qısqa qayırdı.

Qamauda jatqan azamattardıñ jaqındarı işke jurnalisterdi jibermeudiñ sebebin bwdan bwrınğı proces aldındağı qamaudağı azamattardıñ aytqan jauaptarına baylanıstı qwzeretti organdar özderiniñ zañsızdıqtarın jasırıp-jabu dep sanaydı.

Qılmıstıq kodekstiñ 272-babınıñ 1,2,3-böligimen ayıptalıp jatqan Nwrahan Mahatovtıñ jwbayı – sot oñ közimen qarap, ädil şeşim şeşedi dep, bärimiz şarşadıq, mısalı küyeuim bügin «qattı auırdım, bir apta jattım» deydi grippen. Bäri şaraşap, özimde qattı şarşadım. – dedi.

Kamerağa tüskisi kelmegen tağı bir adam: – Sot aşıq ötude. Biraq olar jurnalisterdi jibermedi. Olar jurnalisterdi SMUS-qa (obl sottıñ ğimaratında– red) jiberdi. Onda eşteme körinbeydi, estilmeydi. Biz sud'yadan swrağanımızda ol «bwl rejiimdik nısan» dedi. Biz rejiimdik nısannıñ basşısınan swrağanımızda ol «bwl sud'yanıñ şeşimi. Mağan kelip-keteri joq. Bizge qanday tizim beredi. Biz solardı jiberemiz» dedi.

Qılmıstıq kodekstiñ 24-babı 3-böligi negizinde 291-babı 3-böligi 4-tarmağı, 380-1-babı 2-böligi 10-tarmağı, 287-babı 4-böligimen ayıptalıp otırğan Erbol Jwmanovtıñ ağası Erjan Jwmanov – Tergeu barsında köp qatelikter ketken. Mısalı, osı künge deyin atıp (oq) keldi degen adam basqa adam bolıp şıqtı. Ol atqam joqpın deydi. Mayor Jwmanbaev emes, Köppaev atqan bolıp şıqtı. Sonı şaqırtıp swraq-jauap alamız deydi... İste tirkelgen beyne jazbalar qısqartılğan, kesilgen. Soğan baylanıstı osı beyne jazbağa baylanıstı şaqıradı deydi. –dedi.

«Jappay tärtipsizdik wyımdastıru», «Qarudı, oq-därilerdi jımqıru», «Qwqıq qorğau organı, arnaulı memlekettik organ qızmetkeriniñ, äskeri qızmetşiniñ ömirine qolswğuşılıq» sekildi auır ayıptarmen qamauğa alınğan azamattar özderine tağılğan ayıppen kelispeydi.

Tarazdağı qandı qañtarğa baylanıstı is boyınşa ayıptalıp otırğandar:

Aybol Sağıntay, 30 jasta – Qılmıstıq kodekstiñ 272-babınıñ 1,2,3-böligimen;

Dosmwhambet Sadıqov, 36 jasta – Qılmıstıq kodekstiñ 272-babı 2-böligimen;

Däuren Nwralieva, 28 jasta – Qılmıstıq kodekstiñ 272-babınıñ 1,2,3-böligimen;

Ermahan Saylauov, 24 jasta – Qılmıstıq kodekstiñ 24-babı 3-böligi negizinde 291-babı 3-böligi 4-tarmağımen jäne 287-babı 4-böligimen;

Erbol Jwmanov, 38 jasta –  Qılmıstıq kodekstiñ 24-babı 3-böligi negizinde 291-babı 3-böligi 4-tarmağı, 380-1-babı 2-böligi 10-tarmağı, 287-babı 4-böligimen;

Jaqsılıq Abdullaev, 32 jasta – Qılmıstıq kodekstiñ 272-babınıñ 1,2,3-böligimen;

Nwrahan Mahatov, 64 jasta – Qılmıstıq kodekstiñ 272-babınıñ 1,2,3-böligimen;

Qanat Nwrahanwlı, 35 jasta – Qılmıstıq kodekstiñ 28-babı 5-böligi negizinde 272-babınıñ 1, 2, 3-bölikteri jäne 28-babı 3-böligi negizinde 291-babı 3-böligi 4-tarmağımen;

Salamat Qosanov, 21 jasta – Qılmıstıq kodekstiñ 272-babınıñ 2-böligimen.