Mäjilis deputat Ermwrat Bapi mäjilis otırsında Reseydi sınap, sottalğan eki belsendi Danat Namazbaev pen Marğwlan Boranbaevtıñ isin qayta qarau qajettigin aytıp, bas prokuror Berik Asılovqa deputattıq saual joldadı. Bwl turalı Masa mediya jazdı.

– Bizdiñ eldiñ namısın qorğağan, wtjandı azamattar Marğwlan Boranbaev pen Danat Namazbaev «wltaralıq arazdıqtı qozdırdı» degen jeleumen, ärqaysısı bes jıldan sottalıp ketti. Bwl qatarda Ermek Narımbaevtı da atauğa boladı... Halıqaralıq wyımdar bwl azamattar «sayasi twtqındar» tizimine engizgen. Bizge bwl kerek pe? Endeşe, bwğan deyin Qazaqstanda bolıp kelgen separatizm sindromın, juıqta Petropavl qalasında bolğan jikşildenudiñ jiirkenişti jağdayatın eskere otırıp, Danat Namazbaev pen Marğwlan Boranbaevtıñ ükimin qayta qaraytın uaqıt ta, sayasi sebep te, wlttıq qauipsizdik mwqtajdığı tudı dep esepteymin, – dedi Bapi bas prokurorğa joldağan deputattıq saualında.

Sayasi belsendiler Danat Namazbaev pen Marğwlan Boranbaev «wltaralıq alauızdıq tudırdı» dep ayıptalıp, bıltır 5 jılğa sottalğan. Eki belsendi jelide reseylik şeneunikterdiñ Qazaqstan jaylı aytqan sındarına qarsı pikir bildirip, Qazaqstannıñ Reseymen integraciyasına qarsı şıqqan jäne Reseydiñ Ukrainağa basqınşılığın sınağan edi.