Qazaqstan Resey ğarış aylaqtarınıñ bas operatorı «Jerdegi ğarış infraqwrılımın paydalanu ortalığınıñ» mülkin bwğattadı. Bwl jöninde The Moscow Times basılımınıñ orıs qızmeti habarladı. 

Basılım mälimetinşe, «Roskosmos» mülkiniñ bwğattaluına Resey operatorınıñ «Bäyterek» kompaniyasına (Qazaqstan men Reseydiñ birlesken kompaniyası) 13,5 mlrd teñge bereşegi sebep bolğan. Bwl qarız «Soyuz-5»zımıran tasığışınıñ qorşağan ortağa äserin bağalau jwmıstarına baylanıstı payda bolğan.

Qazaqstan sot orındauşıları Resey operatorınıñ Qazaqstannan materialdıq qwndı zattardı alıp şığuına jäne operator jetekşileriniñ tergeu ayaqtalğanşa respublikadan ketuine tıyım salğan.

Ğarıştı igeru bağdarlamasın birge jüzege asıru üşin 2005 jılı Qazaqstan men Resey birlesip, «Bäyterek» käsipornın qwrğan. Bağdarlamada ulı geptilmen wşatın «Proton» zımıran tasığışınıñ ornına ekologiyalıq twrğıdan zalalsız zımıran tasığış paydalanuğa köşu közdelgen. Jaña start alañın salu josparlanğanımen, ol keyinge qaldı.

Jergilikti BAQ Qazaqstannıñ qatañ talapqa köşkeni «Roskosmostıñ» jaña basşısı YUriy Borisovtıñ Qazaqstannıñ cifrlıq damu, innovaciyalar jäne aeroğarış önerkäsibi ministri Bağdat Musindi sınağanına qatısı bar boluı mümkin dep boljaydı. Borisov onı «Qazaqstan start alañınıñ qwrılısın jartı jılğa keyinge qaldırdı» dep sınağan. Musin Borisovtıñ sının «diplomatiyalıq qate» dep atağan.