4 naurızda Astanada Joğarğı sot Qañtar oqiğasına baylanıstı sottalğan Janmwrat Aştaevtıñ kassaciyalıq şağımın qarap, aqtap şığardı. Al onımen birge sottalğan Dosmambetovanıñ isin raqımşılıq zañına jatqızdı. Bwl turalı Azattıq radiosı jazdı.

"Şımkent qalalıq sotı men äl-Farabi audandıq sotınıñ Aştaev jönindegi qaulısınıñ küşi joyılsın. Aştaevtıñ is-äreketinde Qılmıstıq kodekstiñ 272-babınıñ 2-3 böliginde közdelgen qwqıqbwzuşılıq bolmauına baylanıstı is toqtatılsın. Aştaev qamaudan dereu bosatılsın. Onıñ qılmıstıq-procestik isti jürgizgen organnıñ zañsız äreketteri saldarınan keltirilgen ziyandı öndiruge qwqığı bar dep tanılsın” dedi sud'ya.

Aştaevtıñ äyeli sot qaulısın estigende közine jas alıp, bwl kündi köp kütkenin, dälelsiz ayıptalğanın däleldeu auır bolğanın ayttı.

"Quanışımdı sözben jetkize almay twrmın" dedi ol Azattıqqa.

Sotqa belsendiniñ äyeli, advokatı men jaqtastarı qatıstı. Tüzeu mekemesinde tehnikalıq mümkindik bolmağandıqtan, Aştaevtıñ özi qatısa almadı.

16 qañtarda Joğarğı sot belsendiniñ isin kassaciyalıq tärtippen qayta qarau turalı qaulı şığarğan.

Aştaev – Şımkentte Qañtar oqiğasına baylanıstı sottalıp, qamauda bolğan jalğız adam. Onımen birge sottalğan belsendi Qayrat Swltanbek raqımşılıqqa ilinip, bostandıqqa şıqqan, al Läzzat Dosmambetovanıñ jazasın öteu merzimi keyinge qaldırılğan.

Joğarğı sot Qañtar oqiğası boyınşa sottalğan adamdı alğaş ret aqtap otır.

Joğarğı sot Dosmambetovanıñ isin de raqımşılıq zañına ilindirdi. Joğarğı sotqa arızdı Aştaev pen onıñ qorğauşıları jazğan. Qorğauşılar belsendilerdiñ ayıbın däleldeytin birde-bir mälimet joq ekenin, üşeui telefon arqılı söylesken sözderi üşin ğana sottalğanın alğa tartıp, äl-Farabi audandıq sotı men Şımkent qalalıq sotı qaulısınıñ küşin joyudı, Aştaev pen Dosmambetovanı aqtaudı nemese raqımşılıq zañın qoldanudı swradı.

"Qiratuğa, örteuge qatıspadım. Sayasi közqarasıma baylanıstı qudalandım. Zañsız sottaldım. Tağı aytamın, wyalı telefonmen 6 qañtarda söylestik. Oqiğa 4 qañtarda boldı. Aqtaudı, jazadan bosatudı swraymın" dedi Dosmambetova sotta. Prokuror sot qaulısın özgertpeudi swradı.

2022 jılı 15 şildede Janmwrat Aştaev Qañtar oqiğası kezinde "jappay tärtipsizdikke qatıstı", "halıqtı bilik ökilderiniñ talaptarına bağınbauğa şaqırdı" degen ayıppen Qılmıstıq kodekstiñ 272-babınıñ 2, 3-böligi ("jappay tärtipsizdikke qatısu jäne soğan şaqıru") boyınşa üş jıl, bir ay merzimge türmege qamalğan. Mwnday ayıppen belsendiler Läzzat Dosmambetova men Qayrat Swltanbek te sottalğan.

2022 jılı 8 qırküyekte appelyaciyalıq sot Aştaevqa şıqqan ükimdi özgertpegen.

Şımkenttegi sot qaraşada Aştaev pen Dosmambetova bwrın "tıyım salınğan wyım qızmetine qatısu" babımen sottaldı dep, raqımşılıq turalı ötinişin qanağattandırmağan. Al Qayrat Swltanbek raqımşılıq zañı boyınşa bostandıqqa şıqtı. Sot Dosmambetovanıñ eki balası 14 jasqa tolmağanın, jalğızilikti ana ekenin eskerip, belsendiniñ 3 jıl 7 ay türme jazasın öteu uaqıtın eki jıl keyinge qaldırğan.

2022 jılı qañtardıñ basında Jañaözende swyıtılğan gaz qımbattağanına baylanıstı halıq narazılığı eldiñ birneşe aymağında qoldau tapqan. Qazaqstannıñ ondağan qalasında, sonıñ işinde Şımkentte de jwrt narazılıqqa şığıp, bilikke talap qoyğan. Keyin beybit narazılıq jappay dürbeleñge wlasıp, resmi mälimet boyınşa, Qazaqstanda kemi 238 adam qaza bolğan.

Resmi mälimet boyınşa, Şımkentte Qañtar oqiğası kezinde 20 adam ölip, jüzden asa adam jaralandı. Qalada Qañtar oqiğasına baylanıstı 86 adamnıñ üstinen qılmıstıq is qozğalıp, köbiniñ bas bostandığı şektelgen.