Qazaqstandıq qwqıq qorğauşı Baqıtjan Töreğojina AQŞ memlekettik hatşısınıñ "Batıl äyel" halıqaralıq sıylığın ielendi. 17 jıl qatarınan bwl sıylıq öz ömirin qauipke tige otırıp, adam qwqığın qorğaumen aynalısqan äyelderge berilip keledi. Biıl marapattau räsimi alğaş ret Aq üyde ötpek. Oğan Töreğojinadan bölek, älemniñ özge elderinen 10 äyel iriktelgen. Bwl turalı Azattıq radiosı jazdı.

AQŞ memlekettik departamenti qazaqstandıq qwqıq qorğauşı Baqıtjan Töreğojinanıñ 25 jıl boyı adam qwqığın qorğaumen aynalısqanın, 2022 jılğı qañtardan beri Qañtar oqiğasınıñ qwrbandarına kömek beru jäne oqiğa kezinde adam qwqığı bwzılğanın qwjattau jönindegi Qantar 2022 koaliciyasına jetekşilik etkenin atap ötken.

"Käsibi jolında Töreğojina azaptau, zorlıq-zombılıq jäne sayasi qudalau qwrbandarınıñ mäselesin qozğauda belsendi boldı" dep jazdı memlekettik departament. "Osı jwmıstı atqarğanı üşin qorqıtıp-ürkituge jäne harassmentke duşar boldı. Onıñ ondağan jılğa wlasqan eñbegi qwqıq qorğauşılardıñ ükimetterge jauapkerşilik jükteude, adam qwqıqtarı men bostandıqtarın nığaytuda zor röl atqaratının däleldep otır".

Qazir Vaşingtonda jürgenin aytqan Baqıtjan Töreğojina bwl sıylıqtı käsibi qızmeti men Qañtar oqiğasın qwjattaudağı belsendiligi üşin alğanın ayttı.

"Kuägerlermen jäne zardap şekkendermen jüzdegen swhbat jazıldı, jappay oq atudıñ mıñdağan qwjatı, sureti jäne videosı jinaldı. Bwl jwmıstı bolaşaqta eşkim tarihtı bwrmalamasın dep jasadıq..." dep jazdı qwqıq qorğauşı.

Baqıtjan Töreğojina bastağan "Ar.Ruh.Haq" qoğamdıq qorı Qañtar oqiğası kezinde qaza tapqan, iz-tüssiz joğalğan, azaptalğan azamattardıñ atı-jönin anıqtap, bilikten jariyalıqtı talap etip keledi. Oqiğa kezinde 238 adamnıñ mert bolğanın aytqan Qazaqstan biligi alğaşında türli sebepke siltep, marqwmdardıñ atı-jönin jariyalaudan bas tartıp keldi. Alayda qwqıq qorğauşılardıñ talabınan soñ bıltır tamızda resmi tizimdi jariyaladı. Biraq onda tek marqwmnıñ familiya men esiminiñ alğaşqı ärpi ğana jazıldı. Sınşılar bilikti Qañtar oqiğasın ädil tergemey otır dep ayıptaydı. Elde Qañtar taqırıbın belsendi kötergen jurnalister keyingi aylarda şabuılğa wşırap keledi.

Sıylıq 2007 jılğı naurızdan beri jıl sayın beriledi.

AQŞ öz elşilikteri qızmet etetin memleketterden äyel qwqığın nığaytu, ädildik pen beybitşilikti nasihattau, adam qwqığı men genderlik teñdikti qorğau isinde közge tüsken äyelderdi iriktep, memlekettik departamentke tañdauğa wsınadı.

Büginge deyin bwl marapat 80 eldiñ 180 azamatına tabıstalğan. Marapattau räsiminen keyin sıylıq iegerleri "Halıqaralıq qonaqtarğa arnalğan liderlik bağdarlamasına" qatısadı. Olar AQŞ-tıñ türli qalasında sol jaqtağı äriptesterimen kezdesedi.

Baqıtjan Töreğojinadan bölek, bwl marapattı 10 äyel ielenip otır. Olar Auğanstan, Argentina, Ortalıq Afrika Respublikası, Kosta-Rika, Efiopiya, Iordaniya, Malayziya, Moñğoliya elderiniñ ökilderi. "Batıl äyel" marapatı ayasında Irandağı narazılıqqa qatısqan äyelderge Madlen Olbrayt sıylığı berildi.

Marapattau räsimi 8 naurızğa – Halıqaralıq äyelder künine belgilengen. Räsim alğaş ret Aq üyde ötpek. Oğan AQŞ prezidenti Djo Baydenniñ äyeli Djill Bayden men AQŞ memlekettik hatşısı Entoni Blinken qatısadı.

2018 jılı bwl sıylıq "jınıstıq zorlıq-zombılıq qwrbanı bolğan äyelder men balalar qwqığın qorğağanı" üşin qazaqstandıq advokat Ayman Omarovağa berilgen.

2020 jılı "Batıl äyel" sıylığın Qıtaydan Qazaqstanğa qaşıp, Şıñjañdağı mwsılmandardıñ qısım körgeni jaylı alğaş mälimdegenderdiñ biri Sayragül Sauıtbay alğan edi. Wlttı qazaq Qıtay tuması Sayragül Sauıtbay Qazaqstanda bosqın märtebesin ala almay, otbasımen birge Şveciyağa köşuge mäjbür boldı.

The Qazaq Times