2023 jıldıñ 28 aqpanında Jetisu oblıstıq sotında bwrınğı Almatı oblsısı policiya basqarmasınıñ eks basşısı Serik küdebaevtıñ sot otırsında jarıssöz boldı.

Memlekettik ayıptauşı prokuror Jwmağwlov Küdebaevtı ayıptau hattamasın oqıp, Küdebaevtıñ qandı qañtar kezindegi ärketsizdigi men qızmetin asıra paydalanu boyınşa keltirilgen zardaptardı atap ötti. Prokuror Erlan Qıdırbaev Küdebaevqa qılmıstıq kodekstiñ 362 babınıñ 4 böligimen 8 jıl, 146 baptıñ 2 böligimen 4 jıl qamau jazasın biriktirip, 58 baptıñ yağni Qılmıstıq qwqıq bwzuşılıqtar jiıntığı boyınşa jaza tağayındaudıñ 3 böligimen 9 jılğa qamau jazasın swradı.

Küdebaevtıñ advokatı Saule Kobjanova bir jarım sağatqa sozılğan aqtau sözinde prokurorlardıñ ayıptauların joqqa şığarıp kuägerlerdiñ sözderin alğa tartıp öz qorğauındağı generaldı aqtaudı swradı. Serik Küdebaevtıñ közinşe azaptaldı delingen jäbirlenuşiler Ahmediyarov pen Äbdirahmanov Küdebaevqa eşqanday talap qoymaytının ayttı.

Küdebaev özine berilgen söz kezeginde öziniñ halıqqa oq atpau üşin sonday äreketke barğanın alğa tartıp qandı qañtar kezinde Qarasay audanına ne üşin ketkenin ayttı. Jäbirlenuşi Äbdirahmanov Küdebaevtıñ advokatı Kobjanovanıñ aqtau sözine kelispeytinin aytıp qandı qañtar kezinde yağni Küdebaev basşı bolıp twrğan twsta azaptaudan qaytıs bolğan azamattı eske aldı.

Küdebaev 2022 jıldıñ qandı qañtarı kezinde Almatı oblısındıñ komandantı bolğan. 18 aqpanda ol öz erkimen jwmıstan bosatılğan. Qandı qañtardan soñ Taldıqorğanda şeruge şıqqandar jappay qamalıp olar jantwrşigerlik azappen azaptalğan. Ütik basılıp, tırnaqtarınıñ köbesine şege swğılğan, tisteri jwlınıp, qol-ayaq, qabırğaları sındırılğan. Alayda azaptauşılardıñ deni maskamen jürgendigin alğa tartqan qwzırlı organ äbirlenuşilerdiñ köbiniñ isin toqtatıp tastağan. Tek 23 jäbirlenuşiniñ arızımen 5 policiya qızmetkeri qamauğa alınıp 3-5 jılğa sottalğan bolatın. Onıñ biri arnayı jasaq qızmetkeri Ermek Jwmaşev öziniñ tek genaral Küdebaevqa ğana bağınğanın, tek sonıñ ğana bwyrığın orındaytının aytqan.