Almatığa Qañtar oqiğası men tirkelmegen Dempartiya jetekşisi Janbolat Mamaydıñ isin tergeu boyınşa Wlıbritaniya parlamenttik komissiyası keldi. Bwl jöninde sayasatkerdiñ jwbayı Inga Imanbay habarladı.  

– Bügin Almatığa Qañtar oqiğasın jäne Janbolat Mamaydı qılmıstıq qudalau isin tergeu boyınşa Wlıbritaniya Lordtar palatasınıñ müşesi Ken Makdonal'd (Lord Macdonald KT KC of River Glaven) bastağan Komissiya ökilderi keldi. Komissiya qwramında halıqaralıq qwqıqtıq kömek körsetu kompaniyası Bindmans LLP jetekşisi Tayab Ali men basqa da arnayı mamandar kelip jetti.  Birneşe künnen keyin Almatığa Komissiyanıñ tağı bir müşesi - Wlıbritaniya parlament deputatı ser Robert Baklend te at basın bwrmaq, – dep jazdı Imanbay äleumettik jelige.  

Onıñ sözinşe, komissiya müşeleri Almatıda qwqıq qorğauşı, jurnalistter, Janbolat Mamay jäne Qañtarda azaptalğandar men oqqa wşıp qaza tapqandardıñ tuıstarımen kezdesudi josparlauda.  

– Birneşe künniñ işinde Komissiya müşeleri Qañtar oqiğasına qatısuşılarmen, azaptau qwrbandarımen, qasiretti künderi tuğan-tuısınan ayrılğandarmen jäne birqatar qwqıq qorğauşılarmen, jurnalistermen de kezdespek. Sonımen birge, Komissiya ökilderi qazirgi tañda üy qamaqta otırğan Janbolat Mamaymen de söylesudi josparlap otır. Bwğan baylanıstı Mamay tarabı sotqa arnayı qağazdı da joldadı. Odan bölek, Komissiya Astanağa barıp, Qazaqstannıñ lauazımdı ökilderimen de kezdespek. Osı aptada Almatıda Komissiya ökilderi arnayı baspasöz mäslihatın ötkizbek, – delingen Imanbaydıñ jazbasında.