Foto: halyq-uni.kz

Olarğa Qılmıstıq kodekstiñ "Azaptau" (146-şı) babınıñ üşinşi tarmağı boyınşa, yağni "jäbirlenuşini abaysızda öltirip alğan" degen ayıp tağılğan. Bwl bap boyınşa ayıptı dep tanılğan adamğa bes jıldan on eki jılğa deyingi merzimge bostandığınan ayıru jazası qarastırılğan.

Jauapqa tartılıp jatqan policeyler özine tağılğan ayıptı moyındamaydı.

Almalı audandıq sotınıñ sud'yası Esen Üstelbaev processke qatısuşılardı tügendedi. Ayıptaluşı Ayan Elubekovtiñ qorğauşısı özge processte bolğandıqtan bwl sot otırısına kelmegeni anıqtaldı. Sud'ya "bolaşaqta mwnday qaytalanbasın" dep eskertti.

Process bastala salısımen prokuror ayıptaluşılarğa qatıstı jañadan ayıptau aktisi dayındalğandıqtan onımen processke qatısuşılardı tanıstıru üşin uaqıt berudi swradı. Sud'ya ayıptaluşılar men jäbirlenuşi tarap, olardıñ advokattarı jaña ayıptau aktisimen tanısu üşin üzilis jariyaladı. Sot otırısı kelesi düysenbige qaldı.

– Eger jäbirlenuşi jaq bwl ayıppen kelispese, onda zañğa säykes, qazirgi ayıp boyınşa sot jalğasa beredi, – dedi jäbirlenuşiniñ advokatı Ahmet Balmaşev.

Sot hatşısı processtiñ aldağı düysenbi, 23 qañtarğa qaldırılğanın rastadı.

47 jastağı Jaswlan Anafiyaevti bıltır 9 qañtarda keşke Alatau audandıq policiya bölimine äketken. 11 qañtarda Almatı qalalıq policiya departamentine aparğan. Anafiyaevtıñ äyeliniñ sözinşe, 12 qañtarğa qarağan tüni Jaswlan qamauda qaytıs bolğan. Tuıstarı marqwmdı policiya qızmetkerleri wrıp-soğıp, azaptap öltirgen dep esepteydi.

Jaswlannıñ süyegin tuıstarı 18 qañtarda, yağni qaza bolğannan keyin bir aptadan soñ ğana alğan. Policiya äketkende Jaswlannıñ qaltasında telefonı da, qwjatı da bolğan. Policiyada qaza bolğannan keyin mäyithanağa aparıp tastağanın tuıstarına eşkim habarlamağan. Mäyithana sarapşısı "ajalı pankreatitten boldı" dep qağaz jazıp bergen.

Resmi mälimet boyınşa, Qañtar oqiğası kezinde Qazaqstanda 232 adam ölgen. Bwğan qosa abaqtıda azaptaudan keyin altı adam qaza bolğan. Äuelde azaptau faktilerin joqqa şığarıp kelgen bilik azaptaudan zardap şekkenin aytıp arızdanuşılar men ayğaq-dälelder köbeygen soñ moyındauğa mäjbür boldı. 5 qañtarda parlamentte Qañtar turalı tıñdaudı bas prokuror Berik Asılov elde azaptau arız-şağımdarı boyınşa 329 is qozğalğanın, WQK men policiyanıñ 34 qızmetkeriniñ isin prokuratura qarap jatqanın habarladı.