Almatı qalasında 2023 jılğı 5 qañtarda ötken «Qañtar qasıreti qwrbandarın eske alu, tağzım etu» jiınına qatısuşılardıñ qoldauımen qabıldanğan QARAR

2022 jıldıñ alğaşqı künderinde Jañaözende bastalğan beybit mitingi Qazaqstanda keñinen qoldau taptı. Sığımdalğan gaz bağasınıñ qımbattauı sebep bolğan halıq tolquı   Almatıda, Taldıqorğanda, Tarazda, Şımkentte, Qızılordada, Semeyde, el astanasında jäne basqa  qalalarda jalğastı. Jalpıhalıqtıq narazılıqtar sayasi talaptarğa wlastı. Är qalada mıñdağan, on mıñdağan adam köşelerge, alañdarğa şıqtı.

30 jıl boyı üstemdik qwrğan nazarbaevtıq avtoritarlıq, totalitarlıq bilik jüyesi irip-şiridi. Ekonomikalıq, äleumettik, sayasi dağdarıstar beleñ aldı. Jwmıssızdıq, qımbatşılıq, jemqorlıq, ädiletsizdik adamdardı qajıttı. Qazba baylıqtıñ üstinde otırıp, qayırşınıñ küyin keşken qazaqtıñ aşuı osınday halge jetkizgen Nazarbaev prezidenttik qızmetten ketse de basılmadı. Qoğamdı  özgertuge qwlıqsız äri därmensiz Toqaevtıñ üş jılğı basqaruı oñdı nätije bermedi  Otbasılıq-oligarhtıq üstemdiktiñ  saqtalıp qaluına müddeli sıbaylasqan- jemqorlar, äkimder, ministrler, biliktiñ policiyaları, sottarı bayağı zañsızdıqtarın, ädiletsizdikterin toqtatpadı. Toqaevtıñ sayasi özgeris jasau, ädilettilik ornatu, taza saylau ötkizu jönindegi uädeleri aldamşı bos söz bolıp şıqtı.

Şıdamnıñ da şegi bar. Memlekettik basqaru jüyesin tübegeyli özgertpeyinşe  elde jaqsılıq bolmasına közi jetken halıq – jüzdegen mıñ respublika azamattarı beybit jiınğa, şeruge, mitingige şıqtı. Bwl qwptarlıq äri quanarlıq qadam edi. Olar Konstituciyalıq qwqığınıñ negizinde erikti, beybit türde alañdarğa barıp, bilikke talap qoyıp, wlttıq, memlekettik müddeni satqındar men obırlardan qorğaudı közdedi. Kelimsekterde ketken sıbağasın qaytartudı, wrpağınıñ nesibesin saqtaudı oyladı. Sayasi özgeristi, nazarbaevtıq jüyeni ketirudi qaladı.

Mine, nağız otanşıldıq, janaşırlıq sezimniñ alauımen alañğa jetken qarusız, bwzaqılıq nieti joq beykünä, jazıqsız jandarğa ne istemedi bwl bilik! Olardıñ arasına arandatuşılardı, bülikşilerdi qasaqana qwrılğan josparmen jiberip, mıñdağan adamdı oqqa bayladı. Añ atqanday  jayrattı! Qandarın suday tökti!Qolğa tüskenderin qamadı! Ayuandıqpen azaptadı! Toqpen soqtı! Ütikpen küydirdi! Istıq sumen jiditti! Jiırma mıñ bandit, terroristi oylap taptı. Sonıñ däleli üşin tirisi azdıq etip, marqüm bolğandardıñ körin qayta qazdırıp, tergeu amalın jürgizdi. Maqsattarı – qoldan terrorist jasau. Mwnıñ bäri esi auısqandardıñ ğana elinde bolatın, qatıgez qaraqşılardıñ ordasında ğana orındalatın jauızdıqtar edi! Amal ne, jiırma birinşi ğasırda, Birikken Wlttar Wyımında basşılıq qızmette bolğan, Qazaqstannıñ qazirgi  prezidenti Q -J.K.Toqaevtıñ kezinde, bälkim sonıñ tolıq maqwldauımen sorı qalıñ QAZAQ ELİNDE boldı!

Nazarbaev pen Toqaevtıñ arasındağı taq talasınan, olardıñ aynalasındağılardıñ tartısınan tuındağan, bas kötergen qalıñ qauımdı küş qoldanu arqılı janşıp tastaudı közdegen qañtar  qırğını turalı şındıq aşılıp keledi. Onı bürkemelep, jauıp tastau eş mümkin emes! Jäne halıqtıñ bar auırtpalıqtı kötergen erlikke parapar küresin de joqqa şığara almaydı. Mwnı toqaevşıl jarnamaşıl jornalşılar, ertegişil jazuşılar este twtsın!

Qañtarğa qatısuşı küreskerler – nağız qaharmandar! Kreml'diñ kömegine süyenip biligin saqtap qalğandar memleketti, täuelsizdikti maqtangöy quıs keudelerimen qalay «qorğağanı» turalı jırlay twrsın. Nazarbaev ta jeltoqsannıñ «batırı» bolıp körinip baqqan. Uaqıt – wlı töreşi, bärin öz ornına qoyadı!

Qañtardağı qandı qırğın üşin jauapkerşilik Nazarbaev pen Toqaevtıñ moynında dep esepteymiz.Taldau jasalmasa da tüsinikti, ayqın närse!

Beybit jiınğa, şeruge qatısuşılardıñ qauıpsizdigin qamtamasız etpegen,  arandatuşılardı jwmsap, qaqtığıs tudırğan, qaru qoldanğan, bwyrıqpen, jarlıqpen oq atqızğan, tonauşılıqtı wyımdastırğan  – solardıñ ıqpalında bolğan  biliktiñ küştik qwrılımdarı.

Biliktiñ jasağan qılmısı üşin qarapayım halıq wldarı sottı bolıp jatır. Bwl – barıp twrğan ädiletsizdik.

   2022 jılğı qañtar oqiğası –  äleumettik ädilettilik, sayasi özgeris jolındağı küres, avtoritarlıq-otbasılıq jüyege qarsılıq, täuelsizdikti, memlekettilikti satqındardan, el qazınasın wrı-jemqorlardan qorğauğa şıqqan erlerdiñ isi dep bağalansın!

Jiınğa qatısuşılar mınanday talaptar qoyamız:

-  2022 jılğı qañtar ayında resmi türde körsetilgen 238 adamnıñ oqqa wşıp, qaza tabuına, mıñnan astam adamnıñ jaraqattanuına wrındırğan şerli oqiğalar üşin bastı jauapkerşilik  QR prezidenti Q.J.Toqaevqa, bwrınğı prezident N.Ä.Nazarbaevqa artılsın! Sol kezdegi işki ister ministri E.Twrğımbaev, bas prokuror  Ğ. Nwrdauletov   WQK törağası bolğan K.Mäsimovpen birge jauapqa tartılsın, basqa da lauazımdı twlğalar – Nazarbaevtıñ tuıstarı –Q.Satıpaldı men S. Äbişev qılmıstıq jauapkerşilikten tıs qalmasın!

- Qaza tapqan beybit adamdardıñ  tolıq tizimi jariyalansın, olardıñ ömirin qiğandardıñ eşqaysısı ädiletti jazadan qwtılmasın, marqwmdardıñ otbasına policiya qızmetkerlerine tölengen kölemde järdemaqı berilsin!

-  Jappay tärtipsizdikterge qatıstı degen küdikpen qamalğandardıñ barlığı, qaru alıp oq atqandardan basqaları, bostandıqqa şığarılsın. Olardan qoğamğa keletin qauip joq ekendigi, tergeuge, sotqa  kedergi, ıqpal jasay almaytını, otbasılarınıñ asırauşısı ekendigi, balaları men äyelderiniñ qiın jağdayı eskerilsin! Beybit jiınğa qatısqandarğa tağılğan ayıptaular qısqartılsın; arandatuşılardıñ aldauına, qorqıtuına tüsip, qatelikke wrınğandarğa keşirim jasalsın!

-  Tergeuge deyin jäne tergeu kezinde azaptalğan, soqqığa jığılğan küdiktilerden alınğan moyındaular men jalğan hattamalarğa qoyılğan qoldar, tüsiniktemeler zañsız dep tabılsın, olar sot procesinde jaramsız dep tanılsın!

-  Oqiğa künderinde jäne odan keyin jaraqat alğandardıñ, abaqtılardağı azaptaulardan densaulıqtarına zalal kelgenderdiñ barlığı jäbirlenuşi sanalıp, olarğa jetkilikti mölşerde ötemaqı tölensin!

- Wrıp - soğuğa, qinauğa qatısqandar, qızmettik ökilettikti asıra paydalanğandar qatañ jazalansın!

- Sot procesteri aşıq, jariya  türde, onlayn emes, oflayn türinde, tikeley sot zaldarında ötkizilsin!

- Aram piğıldı lañkester, qasaqana arandatuşılar, adam öltiruşiler, azaptauşılar, bilikke talasqandar – eñ auır jazağa layıqtılar!

-Qañtardağı qandı oqiğağa baylanıstı halıqaralıq wyımdardıñ zertteu jürgizui qajet. Sonda ğana aqiqattı bükpesiz ayqındauğa, adam qwqığı qağidalarınıñ bwzılğandığın däleldeuge mümkindik tuadı. Odan bas tartu –  adamzatqa qarsı jasalğan qılmıstı jasırğanmen teñ.

- Ädilettilik ornamağan jerde qaqtığıstar qaytalana beredi. Oq atqan bilik halıqtı sotpen qorqıta almaydı. Aşındıradı. Bwrınğıdan da alapat tolqın tuğızadı. Beybit şeruge, halıqtıñ narazılıq tanıtqan tolquına qatısqan qamaudağı azamattardıñ barşasına bostandıq berilsin!

- Barlıq sayasi twtqındar, twtqındağı  qoğam belsendileri – Janbolat Mamay, Qosay Mahanbaev, Aqıljan Qisınbaev, Qalas Nwrpeyisov, Aygerim Tileujanova jäne basqaları bostandıqqa şığarılsın, aqtalsın!

- Jiın bostandığı, mitingige qatıstı zañdar qayta qaralsın jäne onı qoldanuda äkimşilik üstemdikke jol berilmesin!

-  Elimizde sayasi reforma naqtılı iske asırılmasa, sıbaylas jemqorlıqqa, wrlıqqa, tonauğa, satqındıqqa negizdelgen memlekettik bilik jüyesin özgertu mümkin bolmaydı. Tübegeyli özgeristi  wlttıq qauıpsizdik komitetinen, sottan, prokuraturadan, İşki isterden bastap birinşi kezekte qolğa alu kerek.

Qañtardağı halıq köterilisi osınday özgerister boluı üşin jasaldı. Al onı keri maqsatta paydalanğandar – nazarbaevşıldar biliktiñ barlıq qwrılımdarınan, tarmaqtarınan – prezident äkimşiliginen bastap, tügeldey tazartılsın!

-Qazaqstan Qañtar köterilisi kezinde 20 mıñ lañkes, banditter täuelsizdikke, memlekettilikke qater töndirdi delingen jeleumen elimizge kirgen, äskeri oq attı degen küdikke ilingen Wjımdıq qauıpsizdik şartı wyımına müşelikten şıqsın.

- Konstituciyağa qarsı, nazarbaevtıq zañdarmen ädiletsiz ötkizilgen saylau arqılı jeti jılğa özin prezident sanağan, qañtar künderinde eskertusiz nısanağa oq atuğa jarlıq bergen, köptegen jazıqsız adamdardıñ ölimine sebepker bolğan, quğın-sürginge jol berip otırğan prezident Q.Toqaevqa impiçment jariyalau isi qolğa alınsın!

- Qañtarğa sayasi-qwqıqtıq bağa beru üşin arnayı täuelsiz qoğamdıq komissiya qwrılsın!

Qarar 2023 jılğı 5 qañtarda, Almatı qalasında, Täuelsizdik alañındağı jiında qabıldandı.