Foto: Azattıq radiosı

Jaza merzimi wzartılğan türmedegi belsendi Erjan Elşibaev Qızılordadan Aqtöbedegi türmege etappen jetkizilgen. Ol jaqtan qatañ rejimdi koloniyağa jiberiledi. Bwl jöninde Azattıqqa juırda Elşibaevtıñ özi habarladı. Ol Azattıqqa Aqtöbedegi № 70 mekemeniñ taksofonınan habarlastı, -dep jazdı Azattıq radiosı.

Jeltoqsanda Elşibaevtı Qızılordadağı ZK-169/5 koloniyasınan etappen jibergen. Mwnda ol 2020 jıldıñ küzinen beri qamauda bolğan. Ötken ayda Elşibaev öziniñ jazasın bir jıldan segiz jılğa deyin wzartqan Qızılorda sotınıñ ükimine apellyaciya tüsirip, sottan jeñilgen edi.

Belsendiniñ aytuınşa, endi onı Qarağandı oblısı Abay audanı Soltüstik Qarağan auılındağı qatañ rejimdi 159/5 mekemesine etappen jibermekşi.

Belsendi otırğan Aqtöbedegi KA-168/1 (qazirgi № 70 mekeme) mekemesiniñ bastığı Aman Qwlmwhambetov Azattıqqa Elşibaevtıñ mekemege "Jaña jılğa deyin" jetkizilgenin rastadı.

"Qazir ol bizde otır" dedi Qwlmwhambetov. Biraq Elşibaevtı qayda jiberetinin naqtılamadı. Onıñ sözinşe, "aralıq türmede" otırğan Elşibaev "birinşi etappen" jiberiledi.

34 jastağı Erjan Elşibaevtı 2019 jılğı qaraşada Jañaözen qalasınıñ sotı bes jılğa bas bostandığınan ayırğan. Belsendige "bireudiñ densaulığına qasaqana auır ziyan keltirdi" degen (Qılmıstıq kodekstiñ 106-babı, 2-bölimi) ayıp tağılğan edi. Tergeu organı Elşibaev 2017 jılı Jañaözende bireulermen töbelesip, bir adamdı jaraqattağan dep mälimdegen. Keyin 2019 jılğı 25 qaraşada älgi oqiğağa qatısı bar adamdar Elşibaevqa eş talabı joğın aytsa da, apellyaciya sotı ükimdi küşinde qaldırdı. Qazaqstandıq qwqıq qorğauşılar "bwl istiñ sayasi astarı bar, Elşibaev qoğamdıq belsendiligi üşin türmege qamaldı" dep mälimdep, onı "sayasi twtqın" dep tanığan.

Elşibaevtıñ jaza merziminiñ ayaqtaluına şamamen bir jılday uaqıt qalğanda bıltır 29 qırküyekte sot belsendini "türme talaptarına bağınbadı, tıyım salınğan zattardı saqtadı, özine qol saldı, sottaluşılardı bülikke ügittedi" (Qılmıstıq kodekstiñ "Qılmıstıq-atqaru mekemesi äkimşiliginiñ zañdı talaptarına bağınbau" babı) dep tanıp, oğan tağı tağı 7 jıl türme jazasın qosıp bergen. Sotta Elşibaev ayıbın moyındamağan. Elşibaevtıñ advokatı Janar Sündetqalieva bwğan deyin Azattıqqa Qazaqstan Joğarğı sotına kassaciyalıq şağım tüsiruge dayındalıp jatqanın aytqan.

2022 jılı tamız soñında Qazaqstanğa kelgen Europarlament deputattarı Astananı belsendilerdi qudalaudı dereu doğaruğa şaqırğan. 2021 jılı 2 mausımda BWW-nıñ jwmıs tobı Qazaqstan biligi Erjan Elşibaevtıñ isinde "adam qwqığı salasındağı halıqaralıq normalardı bwzdı" degen qorıtındı jasap, onı qamaudan bosatudı talap etken. BWW jwmıs tobı bilik Elşibaevqa ötemaqı berui tiis dep sanaydı.

Qazaqstan biligi türmelerde sayasi twtqın barın moyındamaydı jäne elde sayasi qudalau joğın aytıp keledi.