5 jeltoqsanda Aqtöbe oblısı jwmıspen qamtudı üylestiru jäne äleumettik bağdarlamalar basqarması qamauda otırğan qaraqalpaq belsendisi Tileubike YUldaşevağa "Qazaqstannan pana izdeuşi kuäligin" beru turalı şeşim qabıldadı. Bwl turalı Ortalıq Aziya jañalıqtar qızmeti jazdı.

Kuälik 2023 jılğı 5 naurızğa deyin jaramdı. Qajet bolğan jağdayda merzimin tağı üş ayğa wzartuğa boladı. Bwl turalı Azattıqqa basqarmadağılar habarladı.

- Aqtöbeniñ tergeu izolyatorındağı Tileubike YUldaşevanıñ qolına äli "pana izdeuşi kuäligi" tigen joq. Advokat birer künde "pana izdeuşi kuäligin" YUldaşevağa tabıstauı tiis. Biraq YUldaşeva qwjattıñ räsimdelip jatqanınan habardar. Qazaqstan zañdarına säykes mwnday kuäligi bar adamdı ekstradiciyalauğa bolmaydı. Osı qwjat negizinde qaraqalpaq belsendisine bosqın statusı berilui mümkin. Onı prokuratura, WQK jäne basqa da qwzırlı organ qızmetkerlerinen qwrılatın komissiya şeşedi, - dedi Qazaqstandağı adam qwqıqtarı men zañdılıqtardı saqtau jönindegi halıqaralıq byuronıñ Aqtöbe filialınıñ jetekşisi Irina Gol'cvart.

Aqtöbedegi tergeu izolyatorına 16 qaraşada qamalğan YUldaşevağa Qazaqstannan "pana izdeuşi kuäligin" beru turalı şeşim eki aptadan soñ şıqtı. Irina Gol'cvarttıñ sözinşe, Aqtöbe oblısınıñ jwmıspen qamtudı üylestiru jäne äleumettik bağdarlamalar basqarmasındağı byurokratiya qwjat aludı keşeuildetken.

Al Aqtöbe oblısı jwmıspen qamtudı üylestiru jäne äleumettik bağdarlamalar basqarması basşısınıñ orınbasarı Änuarbek Qonjar kuäliktiñ eki apta keşiktirilgenin YUldaşevanıñ qamauda otırğanımen tüsindiredi.

- Ädette pana izdeuşi twlğalar basqarmağa özi kelip ötiniş jazadı. Biıl mamır-jeltoqsan aralığında biz 24 adamğa "pana izdeuşi kuäligin" berdik. Al Özbekstan azamatı YUldaşevağa keler bolsaq, ol - tergeu izolyatorında otırğan adam. Ol jerge bizdiñ qızmetkerlerimiz kire almaydı. Bizde izolyatorda otırıp, qwjat räsimdegen azamattar bolğan emes, - deydi Änuarbek Qonjar.

Tileubike YUldaşeva kuälik swrağan ötinişin izolyatorda jazıp, advokatı Rasilya Ötegenova arqılı berip jibergen.

Qaraqalpaq belsendisi Tileubike YUldaşeva 13 qaraşada Qazaqstannıñ Aqtöbe oblısı men Reseydiñ Orınbor oblısı şekarasındağı "Jaysañ" beketinde wstalğan. Qazaqstan şekaraşıları YUldaşevanı "sizge halıqaralıq izdeu jariyalanğan" dep Reseyge ötkizbey qoyğan. Keyin sot onı 40 künge qamau turalı şeşim şığardı.

Bwğan deyin elde qaraqalpaqtıñ tört belsendisi Qoşqarbay Töremwratov, Jangeldi Jaqsımbetov, Raisa Qwdaybergenova men Ziuar Mirmanbetova wstalğan edi.

"Bwl azamattardıñ basım köpşiliginen özbek biligi şilde ayınıñ basındağı Qaraqalpaqstan oqiğasınan keyin "konstituciyalıq qwrılısqa nwqsan keltirmek boldı" dep küdiktenip otır " degen edi Azattıqqa Adam qwqıqtarı men zañdılıqtardı saqtau jönindegi Qazaqstan halıqaralıq byurosınıñ ökili Gülmira Quatbekova.

Halıqaralıq byuro ökiliniñ habarlauınşa, Tileubike YUldaşeva 2020 jılğı qañtar ayınan beri Qazaqstanda twrıp jatqan. Öz elinde sayasi sebeppen qudalanudan qauiptgengendikten Qazaqstannan pana swrağan. Byuro qaraqalpaq belsendisine jan-jaqtı qwqıqtıq qoldau körsetiletinin habarladı.

Aqparatqa qarağanda, qwqıq qorğauşı Tileubike YUldaşeva Qaraqalpaqstanda 2013-2014 jıldarı qoğam belsendisi retinde közge tüse bastağan. "Özbek biliginiñ qısımına qaramactan" Qaraqalpaqstannıñ täuelsizdigin talap etken akciyalardı belsendi türde qoldağan. Özbek biliginen qısım körgen qaraqalpaq belsendileriniñ qwqığın qorğağan.

Osığan deyin Qazaqstanda qaraqalpaq belsendileriniñ wstaluına alañdağan halıqaralıq Human Rights Watch adam qwqığın qorğau wyımı Qazaqstandı qaraqalpaq belsendilerin Özbekstanğa bermeuge ündegen. Wyım Qazaqstan biligine halıqaralıq qauımdastıq aldında alğan mindettemelerin eske salıp, halıqaralıq qwqıqqa säykes kez kelgen adamdı elinde qauip kütip twrsa, küşpen qaytaruğa bolmaytının eskertken.