Qızılorda qalalıq  №2 sotı qañtarda «jappay tärtipsizdik wyımdastırdı» dep ayıptalğan sayasi belsendi Mwratbay Baymağambetovtiñ sotın keyinge qaltırdı. Sud'ya Qanat Abdullaev proceske jurnalisterdıñ qatısuı üşin aldın ala ötiniş berilmegenin sıltauratıp sottı keyinge şegerdi. Sud'ya Abdullaev jurnalisterge ne üşin sottqa jurnalisterdi qatıstıra almaytının tüsindirmedi. 

Sayasi belsendi Mwratbay Baymağambetovtıñ isin qaradı. Sotta sud'ya Abdullaev jurnalisterge procesti foto-videoğa tüsiruge qarsılıq bildirdi. Onıñ sözin prokuror G Düysenbaev pen iste jäbirlenuşi dep tanılğan qalalıq äkimdik, policiya, äskeri bölim ökilderi qoldadı. Mwratbay Baymağambetov pen advokatı Qambarov BAQ ökilderi procesti basınan-ayağına deyin tüsirsin dedi. Sud'ya 15 minuttıq üzilisten keyin «jurnalister qatısatın bolsa is keyinge qaldırıladı» dedi.

Üzilis kezinde özin tanıstırmağan äyel adam kelip, jurnalisterge sot zalınan şığudı talap etti. Sot hatşısı Jañıl Qasımova Masa.madia tilşisi sot qwramı jöninde aqparat beruin swrağanda «siz eşqanday taraptıñ ökili emessiz, bermeymin» dep jauap berdi.

Advokat Qambarov Mwratbay Baymağambetovqa tağılğan ayıp negizsiz deydi. Onıñ sözinşe, Baymağambetov Qañtar oqiğası kezinde jinalğan halıqqa «eşqayda ketpeymiz, tarqamaymız» degen sözi üşin sotqa tartılıp otır. Bwl sözdiñ eşqanday qılmıstıq qwramı joq.

– Jäbirlenuşi dep tanılğan Oblıstıq äkimşilik, äskeri bölim jäne policiya ökilderi sotqa tapsırmamen kelip otır. 16 paraqtan twratın ayıp negizsiz. Meniñ qorğauımda osığan deyin de Qañtar kezinde qiratıp, büldirgen adamdar boldı. Olardıñ isi tez bitken. Al Baymağambetovtıñ äreketinde tek qana jinalğan halıqqa «taramañdar» dep aytqan. Bwnda qanday qılmıs bar? Bwl qanday ayıp ekenin tüsinbeymiz, – deydi advokat.

Belsendi Mwratbay Baymağambetov özine tağılğan ayıppen kelispeydi. Ol bwnı sayasi astarı bar is dep esepteydi.

– 272 baptıñ 1 tarmağı boyınşa «jappay tärtipsizdikti wyımdastıruşı» dep ayıptap jatır. Bwğan deyin 272 baptıñ 2 tarmağı «jappay tärtipsizdikke qatısu» bolğan. Sotqa tapsıratın kezde jaña ayıptau aktisin 272 baptıñ 1 tarmağına auıstırıp tastadı. Qızılordada bolğan bülik, örtengen ğimarattardıñ barlığın meniñ moyınıma ilip twr. Qazir meniñ moyınıma 833 million teñge ilingen. Şımkentte Qañtar isi boyınşa üş belsendini sottadı ğoy, sol siyaqtı endi Qızılordanıñ bireuin sottayıq degen şığar. Men bwnı sayasi qudalau dep esepteymin, – dedi Baymağambetov.

Qızılorda qalalıq №2 sotı  2021 jıldıñ säuirinde Mwratbay Baymağambetovtiñ bostandığın eki jılğa şektegen. Oğan quğındağı oppoziciyalıq sayasatker Mwhtar Äbilyazovtiñ QDT qozğalısın qoldadı degen ayıp tağılğan. Sol uaqıtta qwqıq qorğauşılar Baymağambetovtı «sayasi twtqındar» tizimine qosqan.

QDT qozğalısın Qazaqstan biligi «ekstremistik wyım» dep tanıp, jwmısına el aumağında tıyım salğan. Europarlament QDT-nı «beybit oppoziciyalıq wyım» dep tanığan.