Franciyalıq Le Figaro gazeti Qazaqstan prezidenti Qasım-Jomart Toqaev Franciya prezidenti Emmanuel' Makronmen Franciyada twratın qazaqstandıq bankir Mwhtar Äblyazovtiñ aynalasındağı jağdaydı talqılaydı dep jazdı. Bwl turalı Ortalıq Aziya jañalıqtar qızmeti jazdı.

28 qaraşada jariyalanğan maqalada "Qazaqstan men Franciya qarım-qatınasında şatasqan sot isi bar, sol sot isi seysenbide Elisey sarayında ötetin Makron men Qazaqstannıñ jaqında ğana qayta saylağan prezidenti Toqaev kezdesuiniñ negizgi taqırıbı boladı. Bwl – Franciyadan sayasi baspana alğan oligarh Mwhtar Äblyazovtiñ isi" dep jazdı.

Basılım oqırmandarına Äblyazovti tanıstıra kele, "Qazaqstan biligi onı Lyuksemburg, Seyşel' araldarı jäne Britaniyalıq Virgin araldarındağı 600 jalğan kompaniya arqılı 7 mlrd dollar jımqırdı dep ayıptaydı" dep jazdı.

Le Figaro Qazaqstan men basqa elder Äblyazovti ekstradiciyalauğa tırısqanın, ol 2009 jılı Qazaqstannan qaşıp Londonğa barğanın, Angliyada sotqa tartılıp Franciyağa qaşqanın, 2013 jılı Kannı da qamalğanın, 2020 jılı Franciyadan sayasi baspana alğanın da atap ötken.

Le Figaro gazetiniñ jazuınşa, 2021 jılı jeltoqsanda Franciya Äblyazovti sayasi bosqın märtebesinen ayırğan, qazir ol Franciyada apellyaciyalıq sottı kütip jatır.

Gazet Qazaqstan men Franciya qarım-qatınasına "teris äser etip jatqan" is Franciya biligin birneşe jıldan beri "alañdatıp keledi" dep jazadı.

"Toqaevpen kezdesude Makronnıñ aldında ülken mindet twr" deydi basılım.

"Qazaqstan üşin Qazaqstan kömirsutektiñ senimdi közi sanaladı. Bwğan qosa, Franciya atom elektr stanciyasın satudı közdeydi" dep jazadı franciyalıq gazet.

Basılım Makron bas auruğa aynalğan Äblyazov isine baylanıstı Qazaqstanmen qarım-qatınastıñ "jaña parağın aşa ma, ol jağın Rojdestvoğa taman bilemiz" deydi.