Almatı qalası boyınşa saylauşılardıñ 18 payızı ğana saylau nauqanına qatıstı. Bwl turalı "Täuelsiz baqılauşılar"  bügin ötkizgen basspasöz jiınında mälimdedi. Bwl turalı Azattıq radiosı jazdı.

Jiında baqılauşılardıñ jetekşisi Araylım Nazarova saylau kezindegi 11 isti zañ bwzdı dep sotqa beretinderin ayttı. Zañ bwzıuşılıqtardıñ deni baqılauşılarğa qattamanı bermegendiginde, äri baqılauşılardı zañsiz kedergi keltirgenderinde.

Zañ boyınşa baqılauşılar hattamanı ala aladı.

Baqılauşılardıñ jetekşisi Nazarova: – Täuelsiz baqılauşılar wyımınıñ esebimen Almatı qalası boyınşa saylauşılardıñ 18 payız ğana saylauğa keldi. Al qolımızğa tüsken hattamada 27 payızdı körsetip otır. Qolımızdağı hattama boyınşa Qaraqat Äbden 2,41 payız, Nwrlan Äuesbaev 2,75 payız, Jiguli Dayrabaev 3,69 payız, Meyram Qajıken 1,2 payız, Toqaev 69,53 payız, Saltanat Twrsınbekova 2, 19 payız, bärine qarsımız degender 9,32 payız, büldirilgen byulletender sanı 8,85 payız. Körip otırğandarıñızday "barlığına qarsı" men büldirilgen byulletender sanın qosqanda 18 payız. Toqaevtan basqa bes kandidattıñ birigip jinağan dauısınan da köp, - deydi

Prezidentti saylau kezinde «täuelsiz baqılauşılar» qoğamdıq birlestigi 98 baqılauşı dayındağan. Onıñ 87-si saylau uçaskesine kirgen. Almatıda 60 saylau uçaskesin qamtamasız etken.

Biılğa kezekten tıs ötken prezident saylauına memleket qazınasına 20 milliard teñge bölindi.

Ortalıq saylau komissiyasınıñ törağası Nwrlan Äbdirovtiñ mälimetine qarağanda, Qazaqstandağı 11 million 953 mıñ 463 saylauşınıñ 8 million 300 mıñı nemese 69,4 payızı dauıs beruge kelgen. Saylaudı Qazaqstan prezidenttigine kandidattardıñ 11 mıñnan asa senimdi ökili, şet memleketter men halıqaralıq wyımdardıñ 641 ökili, sayasi partiyalardıñ 15,5 mıñnan asa, qoğamdıq birlestikterdiñ 30 mıñnan asa bayqauşıları baqılağan.

OSK mälimetinşe, saylauda prezident Qasım-Jomart Toqaev 81,3 payız dauıs jinağan.

Halıqaralıq wyımdar atap aytqanda, EQIW-nıñ Demokratiyalıq instituttar jäne adam qwqıqtarı byurosı (DIAQB) mälimdeme jariyalap, "Qazaqstandağı kezekten tıs prezident saylauı bäseke joq sayasi ahualda ötti", "saylau küni beybit miting ötkizu jäne pikir aytu erkindigi tağı şekteldi" dep sınağan. AQŞ pen Euroodaq EQIW baqılauşılarınıñ pikirimen kelisetinin mälimdegen. Qazaqstan biligi bwl sınmen kelispeytindigin mälimdep, EQIW qwjatın "ob'ektivti emes" dep sanaytının aytqan.

Saylau küni täuelsiz baqılauşılar uçaskelerde türli zañsızdıqtar bolğanın (baqılauşını uçaskege kirgizbeu, uçaskede jüruine, suret-video tüsiruge tıyım salu jäne tağı basqa) aytqan.