Wlttıq qauipsizdik komiteti «saylau küni jappay tärtipsizdik wyımdastırmaq bolğan toptı wstağanın» mälimdedi. Bwl turalı Masamedia jazdı. 

WQK baspasöz qızmetiniñ aqparatı boyınşa, arnayı operaciya barısında Almatı qalası men oblısında jeti adam wstalğan. Olardıñ üstinen QR QK 179 babınıñ 2-böligi, 272 babınıñ 1-böligi boyınşa tergeu bastalğan.

WQK «You Tube» jelisine jariyalağan videoda wstalğan adamdardıñ quğındağı bankir, oppoziciyalıq sayasatker Mwhtar Äbilyazov pen tirkelmegen «QDT» (DVK) jäne «Köşe partiyalarına» qatısı bar ekeni aytılğan. Joğarıda atalğan eki wyımdı da Qazaqstan biligi ekstremistik dep tanıp, jwmısına tıyım salğan. Europarlament kersinşe «beybit wyımdar» dep atağan.

Qwqıq qorğauşılar men belsendiler saylau qarsañında qudalau küşeygenin aytadı. Olardıñ basım köpşiligine «rwqsat etilmegen jiınğa qatısu» boyınşa äkimşilik is qozğalıp, 6 jäne 20 künge qamauğa alınuda.

Oppoziciya ökilderi kezekten tıs prezident saylauı küni beybit mitingke şığatındarın mälimdegen. Prezident saylauı 20 qaraşada boladı.