ۇلتتىق قاۋىپسىزدىك كوميتەتى «سايلاۋ كۇنى جاپپاي تارتىپسىزدىك ۇيىمداستىرماق بولعان توپتى ۇستاعانىن» مالىمدەدى. بۇل تۋرالى ماسامەديا جازدى. 

ۇقك ءباسپاسوز قىزمەتىنىڭ اقپاراتى بويىنشا، ارنايى وپەراتسيا بارىسىندا الماتى قالاسى مەن وبلىسىندا جەتى ادام ۇستالعان. ولاردىڭ ۇستىنەن قر قك 179 بابىنىڭ 2-بولىگى، 272 بابىنىڭ 1-بولىگى بويىنشا تەرگەۋ باستالعان.

ۇقك «You Tube» جەلىسىنە جاريالاعان ۆيدەودا ۇستالعان ادامداردىڭ قۋعىنداعى بانكير، وپپوزيتسيالىق ساياساتكەر مۇحتار ءابىليازوۆ پەن تىركەلمەگەن «قدت» (دۆك) جانە «كوشە پارتيالارىنا» قاتىسى بار ەكەنى ايتىلعان. جوعارىدا اتالعان ەكى ۇيىمدى دا قازاقستان بيلىگى ەكسترەميستىك دەپ تانىپ، جۇمىسىنا تىيىم سالعان. ەۋروپارلامەنت كەرسىنشە «بەيبىت ۇيىمدار» دەپ اتاعان.

قۇقىق قورعاۋشىلار مەن بەلسەندىلەر سايلاۋ قارساڭىندا قۋدالاۋ كۇشەيگەنىن ايتادى. ولاردىڭ باسىم كوپشىلىگىنە «رۇقسات ەتىلمەگەن جيىنعا قاتىسۋ» بويىنشا اكىمشىلىك ءىس قوزعالىپ، 6 جانە 20 كۇنگە قاماۋعا الىنۋدا.

وپپوزيتسيا وكىلدەرى كەزەكتەن تىس پرەزيدەنت سايلاۋى كۇنى بەيبىت ميتينگكە شىعاتىندارىن مالىمدەگەن. پرەزيدەنت سايلاۋى 20 قاراشادا بولادى.