"Proekt", "Vajnıe istorii", The Insider, Bellingcat basılımdarı men Aleksey Naval'nıy komandası "Samizdat" mobil'di qosımşasın iske qostı. Reseydegi oqırman jurnalisterdiñ zertteulerin osı qosımşanıñ kömegimen VPN-siz oqi aladı, -dep jazdı Ortalıq Aziya jañalıqtar qızmeti.

Qosımşanı App Store pen Google Play arqılı jüktep aluğa boladı.

"Biz tegin mobil'di qosımşanı iske qostıq. Ol bwğattan saqtalğan. Sonımen kömegimen orıs tilindegi mañızdı zertteulerdi bir jerden oquğa boladı", - dep jazdı redakciya. Qosımşa avtorları "Samizdattıñ" ortaq redakciyalıq sayasatı men basşılığı joğın, ärbir wjım jazbalarına jeke-jeke jauap beretinin mälimdep otır.

"Qazirgi dağdarıs Resey jurnalistikası tarihındağı alğaşqısı emes. Jurnalistika bolaşağına balta şabılatınday köringen sätter bwğan deyin de bolğan: Sovet odağı kezinde adamdardı türmege japtı, jiırma jıl bwrın bilik televidenieni basıp aldı, al keyingi on jılda baspasözdi özine bağındırdı". Reseydegi täuelsiz aqparat qwraldarınıñ bäri quğın-sürginnen japa şekti. Biraq quğındaudıñ zertteuşi jurnalisterge ziyanı köbirek tidi. Olarğa "şetel agenti" degen küye jağılıp, twtas redakciyalarğa qılmıstıq ister qozğaldı, olardıñ sayttarı bwğattaldı.

"Samizdat" avtorları basqa da täuelsiz redakciyalardı osı jobağa qosıluğa ündedi.

Soğıs bastalğalı beri Reseyde jeti mıñnan astam sayt bwğattaldı. Olardıñ arasında Azattıq radiosınıñ mediajobaları – Sever.Realii, Sibir'.Realii, Idel.Realii sayttarı, sonımen birge "Dojd'" telearnası, "Eho Moskvı" radiosı, "Meduza", DOXA, "Mediazona" sekildi iri BAQ-tar bar.

Soğıstıñ alğaşqı eki aptasında 150-den astam jurnalist Reseyden ketuge mäjbür boldı. Täuelsiz aqparat qwraldarınıñ keybiri şetelde jwmısın jalğastırdı. 2021 jılı 1,5 mıñ jurnalist pen belsendi Reseyden ketti.