Erdoğan Islamşıl, avtoritarlı memleket qwru üşin töñkeris wyımdastırdı (Video)

AQŞ-tıñ aldıñğı qatarlı gazetteriniñ biri Wall Street Journal (WSJ) töñkeris jasauğa äreketti prezident Tayıp Erdoğannıñ islamşıl, avtoritarlı memleket qwru üşin özi wyımdastırğanın alğa tarttı. 

Gazettiñ 17 säuir küni jariyalanğan bas maqalasında referendumnıñ Erdoğannıñ josparlağanınday jürmey jatqanı aytılıp, «islamşıl diktator halıqtan iri qoldau kütti, alayda jeñisine daq keltirgen zañ bwzuşılıqtarmen säl ğana ayırmaşılıqpen basım tüsti. Nätije türik qoğamınıñ barğan sayın polyarizaciyalanıp, twraqsızdıq orın alatındığın añdatuda» dedi.

«Erdoğan 2034 jılğa deyin bilikte boluı mümkin»

Referendumda Erdoğannıñ Stambul men Ankara sekildi Türkiyanıñ eñ iri qalalarında jetkilikti dauıs jinay almağanın aytqan WSJ Joğarğı Saylau Komissiyasınıñ (YSK) «soñğı minutta mörsiz konvertterdi jaramdı sanauğa şeşim qabıldağanın da eske salıp, 2.5 million dauıstıñ jaramdılığına sızat tüskenine nazar audardı.

Erdoğannıñ «Türik köktemine jol bermegenin qorğağan gazet «Erdoğan prezidenttik bilik arqılı uısına köp küş jinaydı. Referendum 63 jasar prezidenttiñ biligin 2029 jılğa  deyin, mümkin 2034 ke deyin sozuı mümkin» dedi.

«Batıspen qatınas şielenise tüsedi»

Referendum nätijesi Türkiyanıñ Batıspen qatınasın şielenistiretinin äri AQŞ-tıñ Türkiyamen ıntımaqtastıqtı üzbeui kerektigine keñes bergen  WSJ maqalanı «Erdoğan islamşıl avtoritarlı memleket qwru üşin demokratiyalıq rıçagtı jaman jağına bwrıp, el işinde töñkeris wyımdastırdı» degen sözben ayaqtadı.

Serik Mäken

The Qazaq Times