Özbekstan men Qazaqstan şekarasındağı "Navai-Qaplanbek" baqılau-ötkizu beketi 1 qaraşadan bastap 19 ayğa jabıladı. Bwl turalı Ortalıq Aziya jañalıqtar qızmeti jazdı.

Taşkent oblısı äkimdigi baspasöz qızmetiniñ habarlauınşa, şekara beketiniñ jwmısı Qazaqstan jağında jöndeu jürip jatqanına baylanıstı uaqıtşa toqtaydı.

Biıl tamız ayında Qazaqstan memlekettik kirister jönindegi komitetiniñ basşısı Daniyar Janäliev 2022-2023 jıldarı toğız avtojol jäne bir temirjol ötkizu beketi jöndeletinin habarlağan.

Sonıñ arqasında şekara beketteriniñ ötkizu mümkindigi segiz ese artıp, şekaradan ötu uaqıtı 2 sağattan 25 minutqa deyin qısqaradı. Bwğan qosa, baqılau-ötkizu beketterinde jemqorlıqpen küresu üşin jüyeler avtomattandırıladı.