وزبەكستان مەن قازاقستان شەكاراسىنداعى "ناۆاي-قاپلانبەك" باقىلاۋ-وتكىزۋ بەكەتى 1 قاراشادان باستاپ 19 ايعا جابىلادى. بۇل تۋرالى ورتالىق ازيا جاڭالىقتار قىزمەتى جازدى.

تاشكەنت وبلىسى اكىمدىگى ءباسپاسوز قىزمەتىنىڭ حابارلاۋىنشا, شەكارا بەكەتىنىڭ جۇمىسى قازاقستان جاعىندا جوندەۋ ءجۇرىپ جاتقانىنا بايلانىستى ۋاقىتشا توقتايدى.

بيىل تامىز ايىندا قازاقستان مەملەكەتتىك كىرىستەر جونىندەگى كوميتەتىنىڭ باسشىسى دانيار جاناليەۆ 2022-2023 جىلدارى توعىز اۆتوجول جانە ءبىر تەمىرجول وتكىزۋ بەكەتى جوندەلەتىنىن حابارلاعان.

سونىڭ ارقاسىندا شەكارا بەكەتتەرىنىڭ وتكىزۋ مۇمكىندىگى سەگىز ەسە ارتىپ، شەكارادان ءوتۋ ۋاقىتى 2 ساعاتتان 25 مينۋتقا دەيىن قىسقارادى. بۇعان قوسا، باقىلاۋ-وتكىزۋ بەكەتتەرىندە جەمقورلىقپەن كۇرەسۋ ءۇشىن جۇيەلەر اۆتوماتتاندىرىلادى.