Foto: Aşıq derekközden

Tirkelmegen dempartiyanıñ jetekşisi, oppoziciyalıq sayasatker Janbolat Mamaydıñ isi Almatı qalasınıñ Bostandıq audandıq sotına jiberildi. Bwl jöninde onıñ jwbayı, Inga Imanbay habarladı. 

- Bügin Janbolat Mamay men advokatına ayıptau aktisi berilip, onıñ isi Bostandıq audandıq sotına qılmıstıq kodekstiñ üş babı boyınşa jiberildi. Qañtar boyınşa 400 bap (zañsız miting wyımdastıru), 378 bap (policiyağa til tigizu), 272 bap (nesielik amnistiya boyınşa jalğan aqparat taratu). Janbolat özine tağılğan ayıptıñ eşqaysın moyındamaydı, özine qatıstı istiñ barlığın sayasi jala dep bağalaydı, - dedi Imanbay.

Janbolattıñ jwbayı Inga Imanbaydıñ aytuınşa Janbolat Mamay men advokatına ayıptau aktisin bügin bergen.

Eldegi qwqıq qorğauşılar men halqaralıq wyımdar "sayasi twtqın" dep esepteytin Janbolat Mamay 8 aydan beri qamauda otır. Ol özine tağılğana ayıppen kelispeydi.

Esteriñizge sala keteyin, 24 qazan küni Janbolat Mamayğa tağılğan «jappay tärtipsizdik wyımdastırdı» ayıbın alıp tastap, onıñ Qañtar boyınşa isin Qılmıstıq kodekstiñ 400 babına auıstırğan.