تىركەلمەگەن دەمپارتيانىڭ جەتەكشىسى، وپپوزيتسيالىق ساياساتكەر جانبولات مامايدىڭ ءىسى الماتى قالاسىنىڭ بوستاندىق اۋداندىق سوتىنا جىبەرىلدى. بۇل جونىندە ونىڭ جۇبايى، ينگا يمانباي حابارلادى. 

- بۇگىن جانبولات ماماي مەن ادۆوكاتىنا ايىپتاۋ اكتىسى بەرىلىپ، ونىڭ ءىسى بوستاندىق اۋداندىق سوتىنا قىلمىستىق كودەكستىڭ ءۇش بابى بويىنشا جىبەرىلدى. قاڭتار بويىنشا 400 باپ (زاڭسىز ميتينگ ۇيىمداستىرۋ), 378 باپ (پوليتسياعا ءتىل تيگىزۋ), 272 باپ (نەسيەلىك امنيستيا بويىنشا جالعان اقپارات تاراتۋ). جانبولات وزىنە تاعىلعان ايىپتىڭ ەشقايسىن مويىندامايدى، وزىنە قاتىستى ءىستىڭ بارلىعىن ساياسي جالا دەپ باعالايدى، - دەدى يمانباي.

جانبولاتتىڭ جۇبايى ينگا يمانبايدىڭ ايتۋىنشا جانبولات ماماي مەن ادۆوكاتىنا ايىپتاۋ اكتىسىن بۇگىن بەرگەن.

ەلدەگى قۇقىق قورعاۋشىلار مەن حالقارالىق ۇيىمدار "ساياسي تۇتقىن" دەپ ەسەپتەيتىن جانبولات ماماي 8 ايدان بەرى قاماۋدا وتىر. ول وزىنە تاعىلعانا ايىپپەن كەلىسپەيدى.

ەستەرىڭىزگە سالا كەتەيىن، 24 قازان كۇنى جانبولات مامايعا تاعىلعان «جاپپاي تارتىپسىزدىك ۇيىمداستىردى» ايىبىن الىپ تاستاپ، ونىڭ قاڭتار بويىنشا ءىسىن قىلمىستىق كودەكستىڭ 400 بابىنا اۋىستىرعان.