Jwrt qazaqşa bayandamasın suflerden oqitın prezident Toqaevtıñ "orıs tilin halqaralıq deñgeyde damıtu" turalı wsınısına qarsılığın bildirip jatqan twsta  bayıbına bara almay jatqan twsta Chocolife basşısı Ramil' Muhoryapovtıñ orıstarğa qazaqşa jauap beru mädeniesizdik degen sözine naralıq bildirip onı jauapqa tartudı talap etti.  

Äleumettik jelilerde 19 qazan küni Chocolife basşısı Ramil' Muhoryapovtıñ Qazaqstanğa kelgen reseyliktermen kezdesu ötkizgen videosı taradı. Onıñ qazaq tiline qatıstı pikiri halıqtıñ aşuına tidi. Ol videoda bılay deydi; «Adam mülde orısşa bilmese ğana solay istesin. Äytpese, bwl (Qazaqtardıñ orısşa söylegen adamğa qazaqşa jauap berui) birtürli boladı eken. Bwl kişkene bolsa da wltşıldıqtıñ belgisi. Qazaq tilinde jauap beru – mädenietsizdik». Osıdan soñ bükil el boyınşa rezonans tudırdı. Onıñ el aldında keşirim swrauın talap etip, käsipkerdiñ önimderine boykot jariyalauğa ündedi. Onıñ önimderine balamalar wsınıla bastadı.
Dalainside telegram arnasınıñ jazuınşa:

Chocolife.me kupondarın BeSmart-qa;

Chocotravel aviabilet servisin Kaspi Trevelge;

Chocofood jetkizu servisin Glovo men Wolt-qa;

Chocomart.kz, Lensmark.kz internet dükenderin Kaspi.kz dükenine;

iDoctor.kz däriger izdeu servisin Doq.kz servisine;

Rahmet keşbek mobil'di qosımşasın Dosmart qosımşasına almastıruğa boladı eken.
Jurnalist Aybar Oljaev Almatı qalasınıñ prokuraturasına şağımdanıp, Muhoryapovtıñ sözin Qılmıstıq kodekstiñ 174-babı, yağni, «äleumettik, wlttıq, rulıq, näsildik, tektik-toptıq nemese dini alauızdıqtı qozdıru» babı boyınşa tekserudi talap etken. Deputat Edil Jañbırşin da qılmıstıq kodekstiñ 174-babı boyınşa jauapkerşilikke tartıluı turalı deputattıq saual joldadı. Belgili änşi Nwrlan Alban öziniñ paraqşasında qazaqtan şıqqan talanttı mamandardı qoldauğa şaqıradı. Sol arqılı Muhoryapovtıñ önimderin ığıstırıp, qazaq tilin qoldanısqa engizetin, elge janı aşitın käsipkerlerdiñ damuına üles qosayıq deydi. Advokat Läzzat Ahatova Dalanews.kz tilşisine bergen jauabında Muhoryapovtıñ üstinen bir adam ğana emes, qoğam bolıp arız tüsiru kerektigin jetkizgen. ‘’Muhoryapovtıñ reseyliktermen bolğan kezdesude aytqan pikirinde şovinizmniñ belgileri bar ma?’’ degen tilşi swrağına, Läzzat Ahatova:
“– Meniñşe, şovinistik közqaras pen piğıl anıq körinip twr. Menmendik, mädenietsizdikti özi körsetti. Qazaqstanda twrıp, qazaq tilin sıylamadı.
Şıntuaytına kelgende, onıñ tauıp otırğan tabısı qazaqstandıqtardıñ arqasında kelip otır. Qazaq auditoriyasınıñ aqparattıq şabuılı äjeptäuir soqqı boldı dep oylaymın.”- dep jauap bergen.

"Qazaqstanda orısşa söyleuge mindetti emespin!, #cancelchjcjlife, #Ramil'ge baykot!" dep jazılğan plakat alıp  Chocofamily keñsesine kelgen Almatılıq Kamila Eñsegenova "Ol kisi Qazaqstannıñ narığında jwmıs jasauğa layıqtı emes dep tanimın!. Qazaqtıñ nanı tätti, aqşası tätti, qazaqtıñ tili jaman ba?" dep narazılığın bildirdi.

Ramil' Muhoryapov öz paraqşasında keşirim swrağan videosın jüktedi. Alayda, el onıñ osılay aqtaluına qanağattanbaytının, qazaq tilin qorlap, wlt arazdığın tudıratın pikiri üşin qatañ jauapkerşilikke tartıluın talap etetindikterin aytuda. Soñğı kezderi jiilegen osınday sipattağı videolardıñ soñında ünemi keşirim swraumen tındım boladı. Bwl jolğı Muhoryapovtıñ pikirin de solay jılı jauıp qoya salmaq pa, älde, soñına deyin aparamız degen halıq ünine qwlaq asa ma? Ol jağı belgisiz.

El egenmendigin alğalı memleketti qwrauşı qazaq wltı öz tiliniñ äli ayaqqa taptalıp kele jatqanına nalidi. Alayda eks prezident Nazarbaevtıñ kezindegi sekildi bügingi prezident Toqaevta "Qazaq tilin sayasilandırmau kerek" degen wstanımın aşıq aytıp keledi.