Foto: vlast.kz

28 tamızda astanada oppoziciya mitingisi ötedi degen orında tirkelmegen "Alğa, Qazaqstan" partiyasınıñ keminde üş müşesi wstaldı. Bwl jöninde oqiğa ornınan Azattıq tilşisi habarladı, dep jazdı Ortalıq Aziya jakalıqtar qızmeti.

Jeksenbi küni policiya qarjı ministrligi ğimaratı aldındağı alañda video tüsirip twrğan azamattıq belsendi Venera Jañabaevanı wstadı. Belsendi Dinara Mübärak alañğa kişkentay balasımen birge kelgen. Policeyler oğan tiispedi.

Alañğa kelgen belsendi Qayrat Mwsabaevtı policiya kölikten şıqqan bette birden wstadı. Arnayı jasaq ökilderi belsendiniñ qolın qayırıp, avtozakqa iterip otırğızdı. Mwsabaev "Şal ket!" dep ayqayladı.

Azattıq tilşisiniñ habarlauınşa, miting ötedi degen orın qorşalğan. Aynalağa policiya kölikteri qoyılğan. Onnan astam policey men jäy kiim kigen birneşe adam jürgen. Azattıq tilşisi bes policiya köligi men bir avtozaktı bayqağan.

Bwğan deyin tirkelmegen "Alğa, Qazaqstan" partiyası barlıq partiyanı tirkeudi, sayasi qudalaudı doğarudı jäne Qañtar oqiğasın halıqaralıq därejede tergeudi talap etip, miting ötkizetinin jariyalağan. Bwğan deyin Nwr-Swltan äkimdigi demalıs künderi qalada miting ötetin orındar bos bolmaytının aytıp, belsendilerdiñ miting ötkizu turalı habarlamaların birneşe ret maqwldamağan.

Almatıda "Alğa, Qazaqstan" mitingisi ötedi degen orın – Şoqan Uälihanov atındağı alañda mektep järmeñkesi ötip jatır. Bwğan deyin qala biligi mwnda da "qoğamdıq şara ötetinin" alğa tartıp, belsendilerge miting ötkizuge rwqsat bermegen.

Oqiğa ornında jürgen Azattıq tilşisiniñ habarlauınşa, järmeñkege jinalğan jwrt körinbeydi. Aynalada belgisi joq, äynekteri qarañğılanğan keminde üş avtobus twr. Onnan astam policiya aynalanı toruıldap jür. Biraq belsendiler körinbeydi.

"Vlast'" saytınıñ jazuınşa, belsendilerdi mitingige deyin wstap ketken boluı mümkin. Internet-basılım partiyanı qwru bastama tobınıñ müşesi Arman Imanjanovtıñ wstalğanın habarladı.

Policiya äzirge tüsinikteme bermedi.