Foto: euroradio.fm

Resey Mariupol'de ukrain äskeri twtqındarın "sottau sayqımazağın" ötkizse, Kiev pen Mäskeu arasında kelissöz jürgizu mümkin bolmaydı. Ukraina prezidenti Vladimir Zelenskiy kündelikti keşkilik joldauında osılay dep mälimdedi. Bwl turalı Ortalıq Aziya jañalıqtar qızmeti jazdı.

"Memleketimizdiñ bwğan qatıstı äreketi tüsinikti. Mınaday sot-sımaq öter bolsa, barlıq kelisimder men halıqaralıq erejelerdi bwza otırıp, bizdiñ azamattarımızdı osınday sahnağa şığarar bolsa... Sol sätte kelissöz ötkizu mümkin bolmay qaladı. Reseydiñ özi kelissöz jürgizu mümkindiginen ayrıladı", - dep mälimdedi Zelenskiy.

Halıqaralıq qauımdastıq moyındamağan "DHR" basşısı Denis Puşilin bwnıñ aldında "tribunalğa dayındıq jürip jatqanın", "tribunaldardıñ biri Mariupol'de ötetinin" aytqan.

Resey men Ukraina baspasöziniñ mälimetinşe, Resey basıp alğan Mariupol'de "Azov" polkınıñ jauıngerlerin sottaydı. Resey onı terroristik wyım dep tanığan.

Mariupol'diñ ukrain meri Vadim Boyçenko reseylikter ukrain twtqındarın 24 tamız - Ukraina täuelsizdigi küni sottauı mümkin ekenin mälimdedi.

Resey Ukrainağa basıp kirgeli beri eki el birneşe märte kelissöz jürgizgen, biraq olardıñ bäri nätijesiz ayaqtalğan.

Ukraina Resey äskeriniñ basıp alğan jerlerden şığuın talap etse, Resey eşqayda ketpeymiz dep otır.

“The Qazaq Times”