Foto: korrespondent.net

Ukraina Atom stanciyasındağı «qiın jağdayğa» dayındaluda, ahual naşarlauına baylanıstı oqu jattığuın ötkizdi. Bwl turalı batıstıq BAQ jazıp jatır.

Resey naurızdan bastap, Evropadağı eñ ülken atom stanciyasın basıp alğannan beri biraz uaqıt ötse de jağday oñalmadı. Resey türli eskertulerge qaramastan, 5 tamızda Zaporoj'e stanciyasında oq attı. Ukrainanıñ Energetika ministri German Haluşenko alañdauşılığın jasıra almay: «Orıstar 5 tamızda aymaqtı atqılay bastağanda jağday kürt özgerdi», - dedi. Soñğı eki aptada zauıt pen onıñ aynalasında oq jaudırğan, taraptar bir-birin ayıptaydı. Zaporoj'e elektr stansasınıñ basıp alınuı Ukraina men körşiles elderge ülken qauip töndirude. Ukrainanıñ işki ister ministri Denis Monastırskiy ol jerde Resey basqınşı küşteri twrğanda atom elektr stanciyasınıñ qauipsizdigin qamtamasız etu mümkin emes ekendigin aytadı. Ukraina Reseylikterdi Europadağı eñ ülken AES-ten şığaruğa qauqarsız bolıp otırğandıqtan, naşar jağdayğa dayındalu üşin 17 tamız küni arnayı oqu jattığudı Zaporoj'e qalasında ötkizdi. Olardı joğarı lauazımdı şeneunikter baqılap otıradı, olar eñ naşar scenariy bolğan jağdayda aymaqtıñ qanşalıqtı dayın bolatının bilgisi keledi.
Ukrainada soñğı yadrolıq jarılıs 1986 jılı Çernobıl' atom elektr stanciyasında bolğan, ol kezde Keñes däuirindegi reaktor jarılğan bolatın.

N. Baytwrsın

The Qazaq Times