زاپوروجە. رەسەي اتوم ەلەكتر ستانتسياسىنا وق اتىپ جاتىر

ۋكراينا اتوم ستانتسياسىنداعى «قيىن جاعدايعا» دايىندالۋدا، احۋال ناشارلاۋىنا بايلانىستى وقۋ جاتتىعۋىن وتكىزدى. بۇل تۋرالى باتىستىق باق جازىپ جاتىر.

رەسەي ناۋرىزدان باستاپ، ەۆروپاداعى ەڭ ۇلكەن اتوم ستانتسياسىن باسىپ العاننان بەرى ءبىراز ۋاقىت وتسە دە جاعداي وڭالمادى. رەسەي ءتۇرلى ەسكەرتۋلەرگە قاراماستان، 5 تامىزدا زاپوروجە ستانتسياسىندا وق اتتى. ۋكراينانىڭ ەنەرگەتيكا ءمينيسترى گەرمان حالۋششەنكو الاڭداۋشىلىعىن جاسىرا الماي: «ورىستار 5 تامىزدا ايماقتى اتقىلاي باستاعاندا جاعداي كۇرت وزگەردى»، - دەدى. سوڭعى ەكى اپتادا زاۋىت پەن ونىڭ اينالاسىندا وق جاۋدىرعان، تاراپتار ءبىر-ءبىرىن ايىپتايدى. زاپوروجە ەلەكتر ستانساسىنىڭ باسىپ الىنۋى ۋكراينا مەن كورشىلەس ەلدەرگە ۇلكەن قاۋىپ توندىرۋدە. ۋكراينانىڭ ىشكى ىستەر ءمينيسترى دەنيس موناستىرسكي ول جەردە رەسەي باسقىنشى كۇشتەرى تۇرعاندا اتوم ەلەكتر ستانتسياسىنىڭ قاۋىپسىزدىگىن قامتاماسىز ەتۋ مۇمكىن ەمەس ەكەندىگىن ايتادى. ۋكراينا رەسەيلىكتەردى ەۋروپاداعى ەڭ ۇلكەن اەس-تەن شىعارۋعا قاۋقارسىز بولىپ وتىرعاندىقتان، ناشار جاعدايعا دايىندالۋ ءۇشىن 17 تامىز كۇنى ارنايى وقۋ جاتتىعۋدى زاپوروجە قالاسىندا وتكىزدى. ولاردى جوعارى لاۋازىمدى شەنەۋنىكتەر باقىلاپ وتىرادى، ولار ەڭ ناشار ستسەناري بولعان جاعدايدا ايماقتىڭ قانشالىقتى دايىن بولاتىنىن بىلگىسى كەلەدى.
ۋكراينادا سوڭعى يادرولىق جارىلىس 1986 جىلى چەرنوبىل اتوم ەلەكتر ستانتسياسىندا بولعان، ول كەزدە كەڭەس داۋىرىندەگى رەاكتور جارىلعان بولاتىن.

ن. بايتۇرسىن

The Qazaq Times