Qazaqstandıq halıqaralıq adam qwqıqtarı byurosınıñ baspasöz ortalığında 10 tamız küni «Sayasi twtqındardı jäne 2022 jılğı qañtar tragediyasınıñ qwrbandarın qoldau jönindegi «Araşa» qoğamdıq komitetiniñ qızmeti turalı» baspasöz mäslihatı ötti.

2012 jılğı Jañaözen qalasındağı narazılıq akciyası qantögiske aynalıp, oğan birqatar azamattıq belsendilerdi jauapqa tartuğa baylanıstı qwqıqtıq, aqparattıq jäne halıqaralıq qoldau körsetudi wyımdastıru maqsatında «Araşa» qoğamdıq komiteti qwrılğan bolatın.

2022 jılğı qañtar qantögisi kezinde,2011 jılı da jäne qazir de öz äleumettik qwqığın qorğağan azamattard qoldau maqsatında sayasi twtqındardı qoldau üşin belsendi qızmet jasap kele jatqan bwl top 10 tamızda sayasi twtqındardıñ qwqığın qorğau, Janbolat Mamaydı bosatu jöninde mäslihat ötkizdi. Jinalıs ta spikerler qoğam qayratkeri Mwrat Äuez, qwqıq qorğauşı Qazaqstandıq adam qwqıqtarın qorğau byurosınıñ direktorı Evgeniy Jovtis, tarihşı
Marat Qataywlı Sembi, jurnalist Äsem Jäpişeva boldı.

Ädiletsiz tergeuler men qudalauğa wşırap jatqan sayasi belsendiler men öz narazılığın bildirgen qarapayım twrğındardıñ qwqıqtarın qorğau kerek ekenin tilge tiek etken spikerler öz oyların aşıp ayttı.

Belgili qoğam qayratkeri Mwrat Äuezov:

"Janbolat wlttıq qazınamız, wlttıq baylığımız, onıñ janwyasına oraluına kömekteseyik, alañdarda eldiñ sözin söylep jürgen twlğa bolar azamttı qoldayıq, arı bolsa, aqılı bolsa Janbolattı kez-kelgen adam qoldaydı dep bilem. Ülgi bolatın keremet janwyası bar, Janbolattı qoldap, osı sözderdi aytıp otırğanıma öte rizamın" dedi.

Jurnalis Äsem Jäpişeva:
Araşa komitetiniñ baspasöz mäslihatında Toqaevqa joldau jasadı, joldauda bılay delingen:
"Qasım-Jomart Kemelwlı,
Sizge deyin elimizdi otız jıl sayasi bäsekelestikten qorıqqan Nwrswltan Nazarbaev basqardı. Ol saylau nätijelerin bwrmaladı, sayasi opponentterin basıp-janşıdı, türmege qamadı. Demokratiyanı osılay twnşıqtırudıñ nätijesi nege äkelgenin öziñiz Qañtarda kördiñiz. Sayasi bäsekelestik joq jerde eşqaşan eldiñ äl-auqatı jaqsarmaydı. Reytiñdi qanşa jerden ötirik salsa da, Nazarbaevtıñ şın reytiñi qanday ekenin osı jılı köşege şıqqan halıq körsetti. Tarihta Nazarbaev mäñgi qarabet bolıp qaldı.
Sizdiñ onıñ qatelerin qaytalamauğa mümkindigiñiz bar. Sayasi bäsekelestikten, jastardan qorıqpañız.
Janbolat Mamay basqa "sayasatkerler" siyaqtı qaltanıñ qamı üşin jürgen adam emes, elim, jerim dep jürgen patriot. Jaña Qazaqstan turalı söziñiz ras bolsa, jağdaydı betke aytatın adamdardan qorqıp, jolın kespeñiz, şındıq üşin türmege qamamañız.
Janbolat Mamaydı bosatıñız. Sayasi twtqındardı bosatıñız. Partiyalardı tirkeuge jol beriñiz. Sol kezde sizdiñ Jaña Qazaqstan turalı söziñizdiñ nağız şındıq ekenine bizdiñ de közimiz jetedi".

Baspasöz mäslihatına jinalğan köpşiliktiñ işinen jeltoqsanşı, qoğam belsendisi Saylau Lepeswlı:

"Qsım-Jomart Kemelwlı Toqaev şın mäninde keşegi N.nazarbaevtiñ totalitarlıq jolın jalğastıruşı bolmaytın bolsa Janbolattı bostandıqqa şığarsın, keşegi Aron Atabek siyaqtı Janbolattı türmede otırğızıp qoyuğa bolmaydı, ol üşin barlıq belsendiler birigip, Janbolattı qwtqaru wyımın aşayıq " dedi.

Jinalıs soñında Janbolattıñ jarı, belsendi, qwqıq qorğauşı Inga Imanbay:

"Bwl tek Janbolat üşin küres emes, barlıq sayasi twtqındar üşin küres, qañtardıñ şındığı üşin küres. Qazaqtıñ tarihında aqtañdaqtar köp, 86 üşin eşkim jauap bergen joq, 2011 üşin eşkim jauap bergen joq, endi qañtar üşin eşkim jauap bermese, onda biz wlt retinde saqtaluımız üşin qauip tönedi. Janbolattı qwtqara almasaq, onda bizdiñ basqalardı qwtqaruğa mümkindigimiz bolmaydı, Janbolattı tu etip aytu arqılı basqalardı qorğaymız, Janbolattı türmeden şığarsaq, arı qarayğı küreske degen ümit payda boladı "_ dep sözin ayaqtadı.

N.Baytwrsın