Foto: adyrna.kz

"Qazfosfat" mineral tıñaytqış zauıtınıñ jetekşisine qatıstı 697 mln teñge jımqırdı degen küdikpen is qozğalğan. Bwl jöninde Qazaqstannıñ bas prokuraturası mälimdedi.
Qılmıstıq isti 13 şildede Jambıl oblısınıñ ekonomikalıq tergeuler departamenti tirkegen. "Monopoliya qızmeti" babı boyınşa tergeu aymaqtıq bäsekeni qorğau jäne damıtu departamentiniñ qorıtındısı negizinde bastalğan. Bwl tralı Ortalıq Aziya jañalıqtar qızmeti jazdı.

Osınıñ aldında qarjı monitoring agenttigi "ammofostı" qımbatqa satu arqılı "zañsız tabıs tauıp", "monopoliya jağdayın asıra paydalanu" faktisi tirkelgenin mälimdegen.

Qasım-Jomart Toqaev ükimettiñ keñeytilgen otırısında tıñaytqış zauıtı ülestes kompaniyağa öniminiñ edäuir böligin satıp, öz kezeginde ol onı 30 payızğa qımbattatıp satqanın aytqan.

"Qazfosfat" zauıtın mäjilistiñ bwrınğı spikeri Nwrlan Nığmatulinniñ wlı Nwrhan Nwrlanov basqaradı.

Qañtar oqiğasınan keyin eks-prezident Nwrswltan Nazarbaevqa jaqın birqatar joğarı lauazımdı twlğalar qızmetinen ayırılğan. Nwrlan Nığmatulin 1 aqpanda mäjilis spikeri qızmetinen ketti.

Birneşe kün bwrın "Qazfosfat" zauıtında apat bolıp, Taraz qalasın kök tütin basqanı habarlandı. Twrğındar tınıs aludıñ qiındağanına şağımdandı.

Ekologiya ministrligi bastapqıda ftorsutek qalıptı normadan eki-üş esege arttı, ammiak, kükirtsutek, kömirqışqıl gazınıñ artıq mölşeri anıqtalmadı dep habarlağan.

Keyin lastauşı zattardıñ artıq mölşeri anıqtalmadı dep mälimdegen. Jambıl oblısınıñ äkimdigi "twrğındar densaulığına qauip joğın" ayttı.