Su-tirşilik közi, dese de bwl Talğar audandıq äkimşilik pen suğa jauaptı qwzırlı organnıñ jauaptı twlğaların qızıqtırmaytın körinedi. Bolmasa, osı audanğa qarastı Qızıl-Qayrat auılındağı su qwbırınıñ jarılıp, sudıñ dalağa ağıp jatqanına jartı jılğa juıq uaqıt boldı, twrğındardıñ eskertkenine qaramastan osığan deyin eşkim boy körsetpegen. Auız sudıñ ısırap bolıp jatqanı ökinişti. "Sudıñ da swrauı bar " deuşi edik, dalağa ağıp jatqan taza sudıñ şığının kim öteydi? Estitin ükimettiñ estitin qwlağı qaşan estidi?

Bwl sudıñ ağıp jatqanına biraz uaqıt bolğandıqtan, tereñ şwñqırğa aynalğan, oyın balasınıñ süyikti ornı. Twrğındardı alañdatıp otırğan mäseleniñ biri de osı.
Elimizde auız suğa zäru eldi mekenderdiñ köp ekenine qaramastan, auız sudıñ qadirin bilmeytin äkimder bar körinedi.

Beyresmi aqpartaqa qarağanda jañadan qwrılğan Almatı oblısınıñ jaña äkimi Marat Swltanğaziev 17 mausımda Talğar audanı twrğındarımen jolıqpaq körinedi. Oblıstıñ atauı men äkim jañarğanımen auıldıñ tirşiligi jañarğan joq. Sol bayağı batpaq jol, jarılğan qwbır, eşqanday qauipsizdik şaraları qarastırılmağan elektr jelisi. Audan men auıl äkimdigine qanşa eskertilsede qarausız kele jatqan eski qwbırdıñ jayın endi jaña äkimge jetkizige tırısatın bolamız.

Jaña äkimnen osı qordalanğan mäselelerdi erte şeşip berer degen ümittemiz.

Nwrbätima Baytwrsın

Almatı obl. Talğar audanı

Qızıl-qayrat auılı