Rejisser Twrdıbek Maydan.

Twrdıbek Maydan. Qazaq kino öneriniñ jalındap kele jatqan jas twlparınıñ biri. 1999-2001 jıldarı Qıtaydıñ Şändwñ ölkesindegi Hızı qalasında körkem suret kolledjın oqığan. 2005-2010 jıldarı Almatı qalasındağı T. Jürgenov atındağı öner akademiyasında «Animaciya rejissurası» mamandığı boyınşa bilim alğan.

Talanttı jas bärimizge belgili «Mwzbalaq» mul'tfil'miniñ, «Balapan» arnasındağı «Aq qws», «Ükili äuen» sekildi balalar serialı men türli animaciyalıq jobalardıñ rejisseri.

Ökinişke oray osı bir darındı perzentimiz sozılmalı aq qan dertine şaldığıp, eki jıldan beri em alıp jatqan bolatın. Alayda osı uaqıtqa deyin alğan emi tolıq nätijesin bermey, auruı asqınıp baradı. Mamandar endi jedel şetelde emdelmese bolmaytının aytıp otır. Onıñ joldarı da qarastırılıp jatır. Degenmen oğan qıruar qarjı ketetini bärimizge ayan.

Kaspiy gold: 8 747 413 93 69 Gülmira Q.

Qadirli ağayın! Ardaqtı azamattıñ auıruınan ayığıp ketuine köp bolıp kömektessek! Är qazaq mümkindiginşe järdem etsek, azamatımız köptiñ tilegimen tezirek saqayıp, armanınıñ aqbozına qayta minse degen tilektemiz.  

Twrdıbek az ğana jılda qazaq animaciya önerine özindik örnek salıp ülgergen talanttı mul'tiplikator. Ol jasağan «Mwzbalaq» fil'mi «Qarlığaştıñ qwyrığı nege ayır» animaciyalıq fil'minen 50 jıldan soñ animaciya atalımı boyınşa halıqaralıq festival'diñ Gran-Pri jüldesin alğan edi. «Mwzbalaq» arağa jartı ğasır salıp bir emes, altı dürkin halıqaralıq festival'diñ Bas jüldesin Qazaqstan qorjınına salğan ayrıqşa kino tuındı boldı. Qazir de sol atalğan fil'm sekildi «Altın adam» animaciyalıq fil'min jasap jatqan bilikti azamattıñ tezirek sauığıp ketuine barşañız at salısar degen ümittemiz.

The Qazaq Times